[Skyward]

اخوي الكابتن القطري

في البدايه اتمنى لك التوفيق في دراستك وان شاء الله تنجح وتخلص الثانويه بتقدير عالي باذن الله

انا قرأت الموضوع والردود كلها والأخوان ماقصروا كفو ووفو

والي فهمته منك انه يجب ان ننظر الى الموضوع بنظره جديه بعيد عن المجاملات وانا راح انظر الى موضوعك بنظره جديه وراح اذكر لك وجهه نظري في الموضوع كله

انا عن نفسي افضل في وقتنا الحالي وقبل البدء في دراسه الطيران الحصول على شهاده جامعيه في اي تخصص اخر يعجبك مثل اداره الأعمال او هندسه الخ...

حتى مثل ماتفضلت الواحد يكون عنده شهاده جامعيه يضمن فيها نفسه وتكون مثل السلاح في اليد متى ماحتجتها تطلعها

طيب نفرض الأن تخرجت من الجامعه والحمدلله حصلت على درجه البكالوريوس وجاء الوقت الي تقرر فيه ياأما تدرس طيران وتحقق حلمك او انك تعيد النظر في الموضوع وطبعا هناك عوامل واسئله لازم تسألها لنفسك طبعا الاسئله كالتالي:

- هل انا عندي رغبه لدراسه الطيران او بصيغه اخرى هل حب ودراسه الطيران او جنون الطيران موجود في دمي ام مجرد عواطف مع الزمن ممكن تزول؟

- هل انا على اتم الأستعداد للسفر الكثير والغياب عن المنزل؟

- هل انا مستعد لتحمل السفر الطويل وضغط العمل وهل راح اكون اهلا لذلك ؟

- في حال لاقدر الله حصل لي ظروف سواء عائليه او طبيه وغيرها تمنعني من مواصله عملي كطيار ماهي الخطه البديله؟

- هل انا من الاشخاص الي يهمهم المظهر والحصول على ترقيات والوصول الى مناصب عاليه في المستقبل؟

طبعا بعد ماتجاوب على الأسئله كلها اقدر اقول انك وصلت الى 80 بالميه من اتخاذ القرار اما بالمواصله وتحقيق حلمك واما بالاستمرار باكمال دراستك العليا او الحصول على وظيفه في الشهاده الي حصلت عليها من الجامعه

وهذه نصيحه قالها لي احد الطيارين من الجنسيه الأمريكيه

اذا تريد ان تصبح طيار يجب انه يكون الطيران والسفر موجود في دمك او بالاحرى ان يتوفر عندك مايسمى بجنون الطيران وان تكون على اتم الاستعداد بالتضحيه لاي شي لخاطر الطيران

اما اذا كنت تريد ان تصبح طيار لمجرد الاسم او المنصب او الراتب العالي والمزايا فلا تتعب نفسك ابدا لانها وظيفه غير مناسبه لك اطلاقا واترك الفرصه لغيرك لمن يحبون الطيران

و طبعا انت ذكرت انك تحب وتعشق الطيران لكن السنوات الطويله والتعب ماتسوى وراح تاخذ وقت حتى تترقى من مساعد طيار الى طيار

وراح تغيب عن المنزل بكثره وحياتك الاجتماعيه راح تكون صعبه

الى هنا اسأل نفسك هل انا مستعد للتضحيه بكل هذا؟

اذا كان جوابك نعم اقولها لك اتوكل على الله واسعى الى تحقيق حلمك واذا كان جوابك لا اقولك انسى الموضوع وادرس تخصص قريب من رغبتك الي هو اداره المطارات زي ماذكرت في احد ردودك وفي نفس الوقت اذا حبيت ممكن تدرس طيران وتحصل على رخصه PPL كهوايه فقط وليس مزاوله مهنه

ونصيحتي لك انك ماتنظر الى العوامل الخارجيه الي ممكن تأثر عليك في اتخاذ قرارك مثل ان يقولك احد الاصدقاء ابتعد عن التخصص الفلاني او غيره لانه متعب و و و ....الخ

وتذكر انه هذا مستقبلك انت فقط ولاحد غيرك راح يعيشه

وقبل الوصول الى مرحله اتخاذ القرار لاتنسى تصلي صلاه استخاره

اتمنى لك التوفيق وان شاء الله تحصل على ماتريد

دمت بود,,,