[محمد احمد عسيري]

شكرًا لك خالد على النقل

ياكثر مانسمع بهالمؤتمرات والتصريحات لكن نتمنى نشوف شيء على الواقع لأننا ملينا من كثر الكلام اللي مافهمنا منه شيء

معليش لو خرجت شوي عن جوهر الموضوع لكن بحكم انه محتوى الموضوع عن وزارة الصحة

مانتمناه من وزارة الصحة الموقرة انها تنتبه للمناطق الشمالية والجنوبية بالمملكة حيث انها تعاني من قلة المستشفيات وللاسف انه وزارة الصحة من اكثر الوزارات بالميزانية لكن اين تذهب ميزانياتها

للأسف الشديد تطوير المستشفيات مستمر ومحصور فقط بمدينة الرياض يعني ما شاء الله لو تروح شمال المدينة او جنوبها او غربها تلقى مستشفيات واللي كان اخرها افتتاح مستشفى الامير محمد بن عبدالعزيز بشرق الرياض

بينما في منطقة عسير لايوجد. سوى مستشفى واحد فقط وهو مستشفى عسير المركزي بابها والمستشفى المدني والعسكري بخميس مشيط وكلها تعاني من زحمة مرضى ومراجعين والمناطق الشمالية بالمملكة نفس حكايتنا

يعني الى متى يا وزارة الصحة ماتتطورون وتبني مستشفيات بهالمناطق وتوفر على اهلها عناء وتكاليف السفر واعرف والله كثير يتنومون بمستشفى عسير ويتم تحويلهم للرياض خاصة للمصابين بالأمراض الخطيرة كالسرطان كفانا الله وإياكم شر هالمرض

نتمنى على وزارة الصحة انها تترك لغة الارقام المزيفة وتترك الناس من الوعود اللي مالها اول من اخر وتطور خدماتها ومستشفياتها للأفضل

تمنياتي للجميع بالصحة والعافية