والله صدقت ياكابتن الشركات نصابه .. وافضل شي ان الواحد يعتمد و يجمع معلوماته بنفسه ويتوكل على الله ويسافر .. شكرا لك على النصائح والمعلومات وبالتوفيق
بارك الله فيكي نوتيلا و الله ولا زالت عمليات النصب شغاله يعني من يومين لقيت اعلان من فرد و ليس شركة بيقول اكالأتي ( فرصة لن تتكرر رحلة لتايلاند لمدة اربع ايام و ثلاث ليالي و فندق و افطار و نقل من و الي المطار و تذكرتين لشخصين ب 800 دولار يعني لو حولناها للمصري تبقي ب 4000 الاف جنية تقريبا .. بالزمة في نصب اكثر من كده ؟
انا عايش في تايلاند و اسافر مصر و ارجع منها سواء علي القطرية او مصر للطيران او الأماراتية اقل سعر ذهاب و عودة
ب 5500 جنية مصر تذاكر فقط طيب هو جاب منين 4000 و شاملة الأقامة اللهم صلي علي النبي حاسسني انه ساحر او شنطة علي بابا .
لذلك اكرر يا جماعه الله يبارك فيكم لا تصدقوا اي حد علي النت ولا الشركات حتي اتعب شوية انت و اشتري تذاكرك بنفسك و احجز فندقك من علي النت اللي ترغب فيه و تعاقد مع الفندق علي توفير وسيلة نقل من المطار الي الفندق و العكس . و وفر زي ما تحب و ابحث في النت علي الماكن اللي انت حاببها مش اللي الشركة تختارها لك
و ايضا تكلم معهم في الأسعار و هما بيخفضوا يعني خليك نشيط و استمتع ولا تعتمد علي توفير سبل الراحه الكاملة
و نصف الجملة الاخر ( و سحب كل نقودك علي قد ما الشركة تقدر ) لأنهم في اعتقادهم انت جاي تايلاند تتفسح يبقي انت اكيد معاك شنطة علي بابا و يعطولك اسعار ولا في الأحلام .
اخواني و اخواتي في المنتدي ارجوكم اعتمدوا علي نفسكم و اتركوها علي الله ولا تدعوا الفرصة لمن يريد استغلالك ببساطة .
و الله المستعان .