[قمر الزمان]

أهلا بيكي يا نونا معانا والموضوع ابسط من كده بكتير ومش محتاج الحيرة دي كلها ، أولا مصر للطيران مش بتقبل محجبات خالص ، سواء كان طيران داخلي أو خارجي ، ثانيا وظيفة الضيافة الأرضية مش موجوده في كل الشركات ، فقط في الشركات الكبيرة زي مصر للطيران ، وفي فرق شاسع ما بين الضيافة الأرضية والضيافة الجوية ، فأنصحك انك تفكري كويس قبل ما تقدمي على خطوة زي دي ، وإذا كنت فاكرة انها ممكن تديكي افضلية عند التقديم ، هما اهم حاجة عندهم اي وظيفة فيها خدمة عملاء وتعامل مع الجمهور ، وممكن كمان يقبلوكي من غيرها ، ثالثا عندك الخطوط السعودية وطيران ناس وسما ، كل الشركات دي بتقبل محجبات ، وساعة ما يطلبو ناس هينزلو إعلان في الجرايد المصرية وتيجي اللجنة وتعمل الإنترفيو هنا في مصر ، اما دلوقتي ما عليكي غير إنك تسجلي في المواقع بتاعتهم على النت وتستني فرج ربنا لما ينزل الإعلان ، وفي مواضيع مثبته بخصوص الشركات دي والبنات هناك متعاونين جدا وهيساعدوكي بكل حاجة ، اتمنى اني اكون غطيت كل استفساراتك ، وربنا يوفقك .