احنا شخصين حابين نمارس هذي الهواية
انا اوقل بدون تدريب بس صاحبي يقول لازم تدريب ومعاه حق الاحتياط واجب
بغيت اعرف وين يبيعون المكاين والاشرعه بالكويت وفي مستعمل ولا بس جديد ؟
بالنسبة للمارسة مايحتاج ترخيص صح والاماكن الممنوعه وين واعلى ارتفاع المسموح او قدره الشخص على التحمل
واسفين على كثرة الاسئلة
وماقصرت
اذا السياره تمشي على الارض وتحتاج تدريب فمابالك بشراع يطير بالسما شلون تطير بدون تدريب؟
بالنسبه للمكاين والاشرعه مافي بالديره ولكن تطلبها من دول اوروبا او وكلائهم بالسعوديه واغلبهم متواجدين هني بالمنتدى وايضا تحصل عند البعض مستعمل.. الاسعار للجديد غالبا بين 2000 و 3500 دينار،، والمستعمل بين 1000 و 2500 حسب المواصفات والاستعمال.
وبالنسبه للاماكن الممنوعه والمسموحه اتصل على ابو ضاحي ويعطيك التفاصيل وأي استفسار تبيه راح يجاوبك عليه وماراح يقصر معاك، ويشرفنا تواجدكم بموقع الطيران بالخيران.