انا نفس حالتك بس رجعت مصر!!.... المهم انت كمصري ..متفكرش في امريكا خالص ولا كندا! ....لانهم رخصه faa
انما فكر في jaa عشان مصرر لطيران والامارات وكل الدول بتقبلها ...الا السعودية .......فالبتالي لو درست ال faa وعاوز تشتغل في السعودية هيمنعوك ! لانك مش سعودي... فتضطر تدور ع شغل ف امريكا بس او اي دولة بتطلب طيارين رخصه faa ....نصيحه ابعد عن دي خليك في المنهج الاوروبي عشان فرصه عملك تزيد....
انا بنصحك تدخل global aviation في اوروبا - اليونان ..انا خلاص اخر سنة ثانوية وهروحها ان شاء الله ...لو عرفت اوفرلها الازم .....احلي حاجه فيها .اني كلمت تقريبا نص الي متخرجين منها ....كلهم بيشتغلوا ! الاكاديمبة بتضمن شغل ..والاحسن انها نفس سعر الاكاديمية المصرية!!
ربنا يوفقك!
معلش اللي حضرتك بتقولوا دة مبني علي اي اساس؟ كمصري ميفكرش في امريكا و كندا؟؟ دة لو مصري ميفكرش في الاوربية.. اول حاجة الامارات و قطر و الخليج كله بيقبل الرخصة الامريكية و الاوربية مش الاوربية بس ، تاني حاجة السعودية بتوظف غير السعوديين بس لازم يكون معاك خبر زيها زي اي دولة. اوعي تفتكر انك لما تخلص الرخصة الاوربية هتروح تشتغل في الامارات و قطر بي 250 ساعة و رخصة! دة مستحيل.
تاني حاجة الرخصة الاوربية حلوة و كل حاجة بس مش مفيدة لكل الناس ، تقدر تقولي كمصري هيعمل بيها اية من غير خبرة؟ و انسي انك تشتغل في اوربا لان دة مستحيل حتي لو معاك خبرة، اوربا مقفولة علي مواطنين الاتحاد الوربي في المهنة دي بالذات، اي حد سالته و بيشتغل دلوقتي هيكون حاجة من اتنين يا معاه باسبور اوربي يا معاه إقامة دايمة هناك او هو اصلاً قطري او اماريتي مثلاً و دة كدة كدة بلده هتشغله..
نصيحة مني ليك فكر هتجيب خبرة ازاي و هتبني ساعات ازاي. و صدقني انتا لو بنيت خبرة كويسة هتشتغل في اي مكان بالرخصة الامريكيا او الاوربية بس معاك خبرة.
حاجة اخيرة عايز اوضحها، اقرأ قوانين العمل في اي بلد و ادرسها، ادخل علي اي شركة طيران ( اي شركة) في اوربا و هتلاقي شرط اساسي للتعيين (Have the right to live and work in EU) و دي حاجة مش هتعرف تجيبها غير لو متجوز اوربية او معاك جنسية فكدة عمرك ما هتشتغل هناك، ادخل علي الامارتية مثلاً هتلاقيهم كاتبين Any ICAO licence is acceptable و دة يعني ان الامريكية و الكندية و الاوربية بيتقبلوا بس لو محقق بااقي الطلبات و اللي اولهم 2000 ساعة طيران علي طيران فوق ال 20 طن و حاجات كدة في كل الشركات، و شكراً