[Cpt.Mohammed]

اقتباس:     المشاركة الأصلية كتبت بواسطة amr saber  

شكرا على الرد اولا

ايوة انا مش فاهم ازاى مينزلش اعلان للمرحلين فى مصر للطيران من سنة 2009 دة ظلم كبير وهو امتحان الانجليزى بيكون زى المضفين ولا اسهل شوية وبالنسبة لامتحان التكنيكال عربى ولا انجليزى؟

طيب سؤال انا اخد طراز على حسابى ولا افضل مستنى لحد مشتغل واخد الطراز على حساب الشركة ؟؟

السبب هو ان كان بينزل اعلان داخلى و بيقدم على الوظيفة العاملين و لأنها مهنة نادرة , فالأعداد بتكون محدودة جداً ( لأن مفيش حد كتير عارف المجال ده غير اللى بيتعاملوا معاه ) ..

شركة سمارت إير نزلت اعلان ضيافة و مرحلين جويين من حوالى 5 شهور , و خدوا ناس كتير من اللى كانوا قاعدين في البيوت من بعد الثورة ..

امتحان المرحلين الجويين تقريباً هو هو امتحان الضيافة , لأن امتحان الطيارين ICAO Level 4 , اما احنا امتحاناتنا General ..

لو تقصد بالأمتحان التيكنيكال الأسئلة المتعلقة بمجالنا , فمتقلقش .. بتتسئل بالعربي .. زي مثلاً : خد الرصدة دى اقراهالى - تعرف تقرأ نوتام ؟؟- طيب اتفضل اقرأ النوتام ده - يعني ايه مطار سويتابول و مطار أديكويت ؟؟ - و هكذا ..

بالنسبة لأضافة الطراز .. ممكن تضيفوا على حسابك في قطاع مصر للطيران بس هيكلفك بأقل تقدير 7000 جنيه غير مصاريف الأقامة عليك لو دعت الضرورة انك تقعد في فندق كذا يوم عشان تكمل عدد ساعات الطيران.. غير بدلات السفر للممتحن واللى بتدفعهالوا انت .. دا غير المماطلة معاك ..

ناس كتير معاها فلوس تاخده على حسابها و بتفضل تستني تاخده مع اي شركة عشان الشركات بتضيفوا ليك في اسرع وقت .. دا غير انه بيثبت رجلك في الشركة ..

اقتباس:     المشاركة الأصلية كتبت بواسطة amr saber  

وبالنسبة لميمفس و المصرية للطران والشركات الخاصة بيكون امتحانات القبول عبارة عن اية ؟؟ ومحتاجة حد معاة طراز ولا عادى انا عاوز حد يفهمنى الدنيا ماشبة ازاى :)

امتحانات القبول بتركز على الأنجليزي و معلومات العمليات الجوية .. و الشخصية العامة بتتحط في الحسبان .. هتلاقيهم بيعملولك امتحان HR يشوفوا طريقة تفكيرك ازاي .. سمات شخصيتك .. و متقلقش منه الغرض منه انهم يشوفوك مؤهل انك تشيل المسؤولية ولا لاء ..

فيه فرصة ليك .. ممكن يكون حد في اي شركة عايز يعمل انستركتور , فطبعاً بيحتاج واحد لسة طالع من المعهد إينيشيال و بياخد معاه الجراوند سكول حوالى 10 ايام و بيضيف الطراز على حساب الشركة من غير ما تدفع ولا مليم, ممكن يمضوك على ورقة بتقول انهم مش بالضرورة يعينوك ... انت الكسبان برضوا لو مشتغلتش .. هيبقي معاك طراز لو قدمت تانى في اي شركة هيكونلك اولوية ..

ارمى نفسك في كل الشركات و اطلب انك تقابل مدير العمليات و اتكلم معاه و اعرض عليه فكرة انك تنزل تدريب , لو كونت علاقات و بكفاءتك ممكن حد ياخدك و يعمل عليك انستركتور ..

ممكن وانت بتتدرب واحد يمشي فتكون انت قدامهم .. فيشغلوك .. انا عن نفسي بدأت كدا و نزلت ف كذا شركة تدريب بس بدون مرتب .. و بكفاءتك و شخصيتك هتخلى الناس تتمسك بيك و يقدمولك المساعدة ..

اتعب شويا عشان تلاقي و بالتوفيق ان شاء الله