[mika]

السلام عليكم ورحمه الله وبركاته

زي ما مكتوب في العنوان اني مطلقه وعندي بنوته ... عايزه اسأل كام سؤال علشان علي اساسه تساعدوني استني اول فرصه ( اللي معرفش اصلا هتيجي امتي ) ولا افكر فحاجه تانيه

دلوقتي نفسي اشتغل مضيفه( في الخطوط السعوديه ... علشان انا محجبه) وده علشان العائد المادي طبعا اللي هيساعدني اربي بنتي كويس وكمان علشان اني هسافر وهشوف ثقافات كتير واخد خطوه فتحقيق مستقبل مهني كويس
بس انا مش عايزه اكون ام وحشه وعايزه اربي بنتي واكون معاها خطوه بخطوه

فا سؤالي هو ياترا انا لو اشتغلت مضيفه هتبقي المواعيد ازاي يعني هنام فبيتي كل يوم ولا لا ... الشغل كله ايام صعبه ولا هو يومين في الشهر مثلا ؟

ولو اشتغلت لازم السكن مع باقي المضيفات ولا ممكن اخد بدل سكن؟
وهل ينفع اعمل استقدام او زياره لبنتي و ل أمي علشان تساعدني ؟

اسألتي كتير بس بالله عليكوا هي مهمه بالنسبالي واللي بتشتغل المهنه تقولي علي ارض الواقع

وشكرا ليكوا اوي سواء رديتوا او لا :)