يا جماعة انا وقت ما اقول الكويتية بتنافس هذا كلام مجلس الادارة , وخطتهم انهم يرجعون حصة الكويتية من السوق الكويتي بمعدل اكثر من 50% للكويتية والنسبة الباقية لباقي الشركات
ايضا الكويتية راح تصرف مبالغ طائلة علشان تجهز طائراتها بتجهيزات فخمة تنافس تجهيزات القطرية والاماراتية والاتحاد وعلشان جذي اقول تقدر تنافس ب 35 طيارة القصد من الكلام ان تقييمها العالمي راح يتغير ونظرة الناس لها راح تتغير للافضل حتى بعدد قليل من الطيارات
واقدر اضرب المثل بالخطوط العمانية الي دعمها محدود واسطولها محدود ومطارها ووجهاتها محدودة لكن الشي هذا ما منعها من انها تكون رابع احسن شركة طيران بالشرق الاوسط ومركز 28 على العالم
بالنسبة لركاب الترانزيت الاماراتية راح تكون بالمقدمة خصوصا ان في نيتهم انشاء مطار بطاقة 220 مليون مسافر سنويا , والقطرية ايضا راح تكون اختيار مفضل لركاب الترانزيت
لكن بالنسبة للكويتيين راح يفضلون الكويتية في الوجهات او على الاقل ماراح يستبعدونها من قاموس شركات الطيران الي يفضلون السفر عليها خصوصا لانها دايركت وباسطول فخم وحديث, حتى لو كانت اغلى فرق 20 دينار لكل تذكرة بالنسبة لي ادفع 20 واروح دايركت اريحلي من اني ادفع سعر ارخص مقابل احس بتعب من طول الترانزيت والاجرائات
وبالنسبة للترانزيت راح تضل تخدم المسافرين من القارة الهندية كإعتماد اول للترانزيت
بكل اختصار الكويتية راح توصل بمركز عالمي قوي وتكون حلوة بنظر الناس لكن كترانزيت للاجانب ما اتوقع يفضلونها , خصوصا انها ما تقدم الخمور والي اهي سلبية بالنسبة للاجانب
واسف على الاطالة بس ابي اشرح ليش الكويتية ممكن تنافس
أعلى مبيعات للكويتية بعد التذاكر الحكومية مبيعات تذاكر ترانزيت وهي متقاربة جدا من مبيعات السوق المحلي .
الخطة ما خلصت , الخطة الى الان يشتغلون عليها
والنتايج بعد ما تخلص الخطة راح تكون واضحة