[الطائر السريع جدا]

اقتباس: أها.. انا عرفتك دلوقتي كابتن جمال
انت كنت طاير تحت كايرو سنتر وكابتن محمد سلاموني قالك مستقبلاً ابقى غير الاسم وخليه كول ساين :))

أوك بالنسبة لتغيير الكول ساين فده بسيط
لما تدخل على الايفاب وانت طاير وتعمل كونيكت متشغلش الايفاي قبلها وتدخل على تشانل
ببساطة لما بتعمل كونيكت على الايفاب ، الايفاب لوحده بيشغل التيم سبيك ويدخل بالكول ساين اللي انت عملت بيه كونيكت على موجة اليونيكوم 112.800 ولما تحول لأي تشانل تانية الكول ساين بتاعك بيتحرك في الموجة اللي انت بتروحلها ...بدون الدخول على الايفاي.

بالنسبة لموضوع الرحلات المجدولة أو غير المجدولة فهو موضوع غير مهم بالنسبة لخطة الرحلة فقط خد بالك من 3 حاجات :
1- S يعني رحلة مجدولة
2- G لو حتعمل لوكال باتيرن حول المطار
3- M لو رحلة عسكرية

أكتر من ال 3 تصنيفات دول انت مش حتحتاج والمراقب مالوش الحق انه يغيرك من رحلة مجدولة الى غير مجدولة فهو تابع لك ولا يعلم المراقب لماذا تطير هذه الرحلة.

أتمنى لك طيران ممتع واستفادة في كل رحلة
مع خالص تحياتي