اللهم امين
الفحص الطبي يأخذ يومين على الاقل !!
هذي ملاحظه مهمه خصوصا للشباب اللى من برى جده ، أتذكر شباب كانوا حاجزين رحلات إياب في نفس يوم الفحص الطبي والبعض كانوا حاجزين ع طيران ناس وطيران ناس ما فيه استرجاع للتذاكر
الفحص شوي طويل ويتطلب عليك طول البال والصبر والروقان
اول شي تروح عياده الأسنان فحص سريع وانت واقف .
بعدها في تروح للأشعة ، يصورون الصدر والرئتين
وبعدها تروح للمختبر ، تحليل البول -اكرمكم الله - يتطلب 3 عينات يعني خل معاك جيك مويه في جيبك لان الاعذار لا تقبل . وايضا عينتين دم
الخطوات السابقة كلها من الدور الأرضي في الخدمات الطبيه التابعة للمؤسسه
بعدها تطلع الدور الاول
تسوي قياس طول ووزن وفحص نظر وعمى الوان وتخطيط قلب
و بعدها على أخصائي الصحه النفسيه
وأخيرا في اليوم الثاني يقوم الدكتور المختص في طب الطيران بمراجعه جميع نتائج تحاليلك اذا كل شي سليم
حط علامه صح على كلمه لائق طبيا والف مبروك
ملاحظات مهمه :
هذي الملاحظات تساعدك كثيرا في إجراءات الفحص الطبي
اذا كان نظرك ناقص شئ بسيط فلن يوقع لك الدكتور الا بعد ان تفصل نظاره
بيقول لك رح فصل نظاره وتعال
الفحص يأخذ يومين على الاقل يعني أحجز رائح بس اذا شفت كلمه لائق الله يسهل طريقك
الصبر مهم جداً ، ومن يصل اولا هو من يبدأ بالإجراءات اولا
موفقين
انس
يعطيك العافيه ياغالي ع المعلومات المفيده جزاك الله خير.. ولا تبخل علينا بأي معلومه تفيدنا مستقبلا...