[abdull1988]

السلام عليكم ورحمة الله وبركاته , اخوي انا كنت بنفس وضعك نفس هاذي الايام السنه الماضيه وكنت محتار بين الفلبين وامريكا ! لكن فيه عضو من هاذا المنتدئ للاسف استغل وضعي يوم كنت تأه ومحتار وعلي طول جتني منهم رسائل ع الخاص و
عرض ع المشوره وسوي لي غسيل مخ وشال امريكا من راسي وحط الفلبين وجهتي الوحيده "حسبي الله ونعم الوكيل عليه "
وانبسطت من كلاامه وتوكلت ع الله ورحة الفلبين وياليتني مارحت !!
من اين ابدا ومن اين انتهي عندما يأتي الحديث عن الفلبين !!
وصلت الفلبين واخترت مدرسه ماستر ودفعة فلوسهم واخذ العضو عمولته منهم من خلال تقديم لهم وجبه دسمه اللي هو "انا"
بدائة الدراسه الارضيه وكان نص الشرح بانجليزي تعبان ونص االثاني بلغتهم لاانه كان معاي فلبينيين وكان يشرح لهم بالفلبيني وكااني غير موجود ! ووانتهت الاسبوعين الاوله من الداراسه الارضيه ولافهمت منها الا 20 بالمائه لاانهم كانوا يختصرون ومايشرحون كل شي زي ماتبي ! فا كنت اعتمد اعتماد كلي ع نفسي !
وانتهينا وبدائة الطيران , الطائرات مخيسه وقديمه وزحمه وماتقدر تطير يوميا وكل يوم طياره متعطله وخذ لك مشاكل ويطير ويضيع وقتك وانت مااستفدت ! لاا وغير كذا ماتتعلم منهم شي ولا يطقون لك حساب ولايهمهم فهمت او لا !
وزود ع هاذا عندهم اختبار انجليزي للطيارين اسمه ELP اختبار نصب واحتيال واذا انت عربي ماتنجح الا بعد 10 مرات ! انا ياعزيزي ادرس في جامعه كنديه في السنه الثالثه ومن عام 2010 وانا في كندا ولغتي جيده للغايه ودرجاتي في التوفل والايلتس عاليه ولما اختبرت اختبارهم توقعت باخذ 6 من 6 لاانه كان تافه بالنسبه ليه ّ! ولكن يوم طلعت النتيجه عطوني ساقط هههههه انا انجلطت من النتيجه وضحكوا علي الشباب اللي قابلتهم بالفلبين وقالو اهلا بك في مجموعتناا !! الاختبار هاذا مابيسقط فيه غيرنا يالعرب والفلبيني بينجح زي العسل لاانهم مايعملون لني اي حساب ويعاملون الفلبيني بااحترام وانت درجه 2 بالنسبه لهم هاؤلا الحثاله ! وخصوصا الكباتن يستحقروننا ياعرب كثير .
ااخوي انا كنت ساكن بمجمع فيه لايقل عن 100 طالب طيران عرب وغير الهنود والجنسيات الثانيه وكل يوم سوالف معاهم واسمع قصصهم معا مدارسهم وقصص النصب والاحتال ! والله ماقابلت احد الا وهو عنده مصيبه !
واللي اكبر من هاذا كله رخص الفلبين رخص رسميه وضمن icao ولكن ماايقلبونها عندنا ياعرب ! مثلاا عندنا بالسعوديه اي طالب جاي من الفلبين يشكون بوضعه ويمرمطونه وبالاخير مايوضفونه . وكذالك الدول الاخري بناء ع كلام ناس تعرفت عليهم من دول الخليج .
بعدين من قالك انهم ارخص ؟؟ ياخي اسعارهم ب42 الف والحين رفعوا اسعارهم ووصلت 46 الف ! يعني زي تكلفت امريكا وكندا ! والجو تراه ماهو دايم كويس ودايم امطار وعواصف وتكنسلت رحلات كثيره وهاذا كلامي انا مااحد قالي !

انا شفت مقابله لكبير مدراء طيران ناس الاستاد بندر الضبعان في مقابله في بررنامج يتكلم عن الطياريين العاطلين وقال بالحرف الواحد طلاب الفلبين رخصهم مزوره ويروحون يدرسون في بقالات ويعتقدون انهم يدرسون في اكاديميات !
اوه فيه شي نسيت اقوله لك ! بالفلبين انت تدفع 45 الف او حولها اي سعر 270 ساعه تقريبا طيران ولكن كل اللي راح تطيره 160 ساعه والباقي هم يكتبونه لك وانت ماطرت ! يعني ماراح تتعلم صح + تزوير واللي اكبر من هاذا شركات الطيران عندنا يعرفون الشي هاذا !
بأختصار نصب راح تحصله عندهم وسرق واحتيال وكل شي ماتتخيله راح تشوفه هناك و الفلبين بوجه عام وبلد وسخ للغايه واكل مقرف وخلها ع ربك بسس .

انا درست بس الppl ولما انتهاء الصيف رجعت كندا وانا حاليا بكندا ونيتي انشالله بكمل هناء , دراسه محترمه واكاديميات محترمه وتدس بأحتراف عالي ! والجو عندنا في كندا وخصوصا بمقاطعت بررتش كلومبيا كويس ! تقريبا من شهر 2 ميلادي الين شهر 10 مشمس وتقدر تطير . حتي البرد القارس تقدر تطير لان طيراتهم حديثه . يعني لاتتعذر بالجو

اخوي الله ماشفناه بالعقل عرفناه ! نصيحه امسح كلمت فلبين من راسك ,انا لااعرفك ولاتعرفني لكن نصيحه لوجه الله ابتغي منها الاجر !
اذا عندك اي استفسار من ناحيت الفلبين ومشاكلها هاذا رقمي كلمني او راسلني واتس اب 0012505722088
حتي لوتبي ندرس سواء بنفس الاكاديمية وناخذ تخفيض حلو و ممكن اعطيك معلومات عنها

في االنهاية لجميع الاعضاء انتبهوا من بعض الاعضاء اللي معانا وخصوصا اسماء كبيره نغتر فيها وهم للاسف سماسره ولو تبي الاداره مني اطلع البلاوي اللي عندي منهم ان مستعد وبالادله .
اسئل الله اللذي لااله الا هو لي ولكم التوفيق والسلامه والسلام عليكم