بكم
و
حقا كم يسعدني ويشرفني ان اشارككم حكاوي رمضان
واتمنى اني اكون ضيفه خفيفه عليكم واني اكون عند حسن ظنكم
يلا نبدا ونقول بسم الله
س1 : ذكر الصائمين والصائمات بآية قرانية ؟
بسم الله الرحمن الرحيم
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ
إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))
صدق الله العظيم
س2 : حديث شريف متعلق بالشهر الفضيل ؟
عن أبي هريرة رضي الله عنه: عن النبي صلى الله عليه وسلم قال: من قام ليلة القدر إيمانا ً و إحتساباً غفر له ما تقدم من ذنبه، و من صام رمضان إيماناُ و احتسابا غفر له ما تقدم من ذنبه.
رواه البخاري ومسلم.
س3 : حكم فقهي متعلق بشهر رمضان ؟
-((حكم من اكل او شرب ناسيا وهو صائم))
من أكل أو شرب ناسياً وهو صائم فإن صيامه صحيح، لكن إذا تذكر يجب عليه أن يقلع حتى إذا كانت اللقمة أو الشربة في فمه، فإنه يجب عليه أن يلفظها ودليل تمام صومه قول النبي فيما ثبت عنه من حديث أبي هريرة: «من نسي وهو صائم فأكل أو شرب فليتم صومه فإنما أطعمه الله وسقاه »
تفضل بالجلوس
س1 : متى بدأت بكل صدق وأمانة صيام شهر رمضان المبارك ( العمر والمرحلة الدراسية) ومن الذي ساعدك او شجعك لهذا العمل ؟
انا الحمد لله بدات الصيام من وانا صغيره جداا كان عندي 8 سنوات صمت اليوم كامل حتى اذان المغرب الحمد لله وباقيت بصوم بعد كده اليوم كامل واقدر اقول اللي كان بيشجعني عالصوم ماما
س2 : بمن كنت تفكر عند سماعك لشهر رمضان بعد الوالدين ( حفظهم الله ,,ورحم من انتقل الى ربه ) ؟
والله بكل اصحابي علشان كنت عايزة الحق اهنيء الكل بقدوم الشهر الكريم
س3 : ماذا يعني لك هذا الشهر عن جميع شهور السنة ؟
والله انا بحس ان الشهر ده هديه من ربنا لينا يعني مغفرة وعتق من النيران ودخول الجنه بجد شهر كله رحمه ومغفرة وهو فرصه لازم نستغلها صح لان يا عالم هيجي علينا كام رمضان تاني
س4 : أكلتك المفضلة على مائدة رمضان ؟ ومشروبك المفضل ؟
انا بحب اوي في رمضان السمك بجيع انواعه
مشروبي المفضل في رمضان التمر هندي
س5 : هل تحب السحور ثقيل أم خفيف ؟ ماهو سحورك المفضل ؟
لا بحبه خفيف وفي الغالب بيبقى سحوري علبه زبادي
س6 : كيف تقضي يومك في رمضان وماهي عاداتك وتقاليدك في هذا الشهر ؟
هبدا من السحور بتسحر الساعه 2 وبستنى صلاة الفجر بصلي الفجر وبنام بعدها تقريبا بحاولي ساعه وبصحى عالظهر او بعد الظهر بساعه بصحى اصلي واقراء قرآن وبعد العصر بدخل اساعد ماما في تحضير الفطار بعد كده يجي المغرب نصلي ونفطر وبعد كده بتفرج على التليفزيون على برنامج خواطر وبعد كده بتفرج على صلاة التروايح والعشاء من الحرم المكي ومن المدينه المنورة واول لما الصلاة بتخلص بقلب واجيب برنامج قصص القرآن للدكتور عمرو خالد بعد كده بقى بقوم انا اصلي العشاء والتروايح في البيت واقراء القرآن واقعد شويه عالكمبيوتر او على التلفزيون لغاية لما يجي ميعاد السحور
س7 : هل تحافظ على صلاة التراويح والقيام كثيرا ؟
اه الحمد لله بصليها في رمضان علطول بس هنا في البيت
س8 : من هو العضو الذي تتمنى رؤيته ودعوته لديك للإفطار في رمضان ؟ ( يرجى تحديد العضو ولا مانع بذكر اكثر من شخص بشرط ان لايعم الجميع )
طبعا حبيبه قلبي ساسو والقمر ياسمين واكيد الرائعه ام ملاك والجميلة مون فلاوروناديه القمر وبس كفايا كده لو عزمت حد تاني مش هلاقي له مكان ههههههههههه
س9 : من أول شخص باركت له برمضان ولماذا ؟
واحده صديقه ليا اسمها امنيه لانها ساعتها كانت معايا عالمسن فاول لما عرفت قولتلها كل سنه وانتي طيبه
س10 : ماذا تتمنى في هذا الشهر ؟ أمنية عامة وخاصة ؟
امنيه عامه نفسي اوي ان المسجد الاقصى يرجع تاني للمسلمين ونشوف نهاية اليهود الظلمه قريييب اوي
امنيه خاصه اني ربنا يحقق ليا حلمي واشتغل مضيفه طيران عالخطوط السعوديه
س11 : هل شعرت انك تبتعد عن المنكرات كسماع الاغاني والابتعاد عن النميمة والكذب والجدال ؟
اه الحمد لله فعلا وبجد باقيت بحب اسمع القرآن اوي بصوت الشيخ ماهر المعيقلي ربنا يحفظه هو وكل الشيوخ يارب
س12 : نوادر رمضانية أو مقالب في رمضان حصلت لك ؟ اذكرها لنا ؟
اني وانا صغيره اوي وانا عندي 6 سنوات كنت ببقى نفسي اصوم اوي وماما كانت شايفه اني لسه صغيره فكانت بتضحك عليا ومفهماني ان الاطفال بيصوموا لغاية العصر فقط وكنت اقعد واستنى اذآن العصر واستعد وامسك التمر واعيش اللحظه اوي كائني صايمه بجد ههههههههههه
س 13 : كيف تستقبل العيد ..؟ وما هو عرفك وتقاليدك في ذلك ..؟ وأين تقضي أيام العيد ؟
والله مافيش بنزل قبل العيد اشتري كعك العيد بقى الكعك ابو سكر او عجوه والبتيفور العيد عندي حلويات ههههههههه بنقضي اول يوم في بلدنا مع جدي وجدتي ربنا يحفظهم وبعد كده بقعد في بيتنا لاني الصراحه مش من الناس اللي بتحب تخرج في العيد بس السنه دي الموضوع هيختلف لان في واحده صاحبتي اوي جايالي في العيد ان شاء الله وهنخرج انا وهي
س14 : اضافة بسيطة من عندك تريد قولها في الموضوع تفضل واكتبها لنا ؟
بجد اللي نفسي اقوله الموضوع ده رائع جدااا وجزاكم الله كل خير وشكر خاص مني لكابتن شهاب الجزيرة وشكر خاص تاني للقمر مون فلاور
وكل عام وانتم جميعا بالف خير اتمنى اني كنت ضيفه خفيفه عليكم
دمتم بحفظ الله