[المعتز]

بسم الله الرحمن الرحيم

أخوكم المعتز يرحب بكم في موضوعي المنقول وهو يتحدث
عن رحلة اختنا رمروم وزوجها وابنائها في رحلتهم الصحراوية الى الثمامة
والتي نشرتها في منتدى المسافرون العرب السياحة البرية واترك الحديث لاختنا لتسرد لكم القصة فالنتابع :




السلام عليكم بااهل المنتدى الكرام .....
اليوم جيتكم برواية رائعه عن رحلتي البريه الذي لايخلو من الفكاهه

واحببت ان اخبركم عن رحلتنا البريه الهائله التي ذهبنا بها الاسبوع الماضي ......
لكن للاسف مافي صور رغم ان بنتي ذكرتني واحنا طالعين ,,,لكن قلت يابنت خلاص بعدين ...
بيني وبينكم حتى لو صورت ماعرف انزل لكم الصور

لكن خيرها بغيرها ....

اولا احب ان اخبركم انني من عاشقات البراري جدا ...صح اني خوافه من الدواب والزواحف
واكره الحر

ولكن اعشق الرمال الذهبيه الحمراء وشبة النار والاكل بالبر ..الصراحه متعه ماوراءها متعه
الا رحمة الله علينا جميعا .....

من عادتنا اذا اردنا ان نطلع بر ..اما ان نطلع شوي لحم والا دجاج ......ونجلس على الرمال ونقعد نطعس برجولنا انا وعيالي وابونا ونطلع كل الخبال هناااااك مانرجع البيت الا احنا مهدودين حيييييييل
او نطلع منتزه ونمشي العيال هناك ونقعد الين اخر الليل ونرجع ...

ونسوي حركات جنون في جنون بالرمال واحيانا اطبخ بالبيت من بدري ونطلع بالاكل جاهز على البر وناكل وماحلاها من اكل وسبحان الله لها لذه خاااصة غيييييير

راح احكي لكم عن رحلتنا هذه المره لانها كانت مميزه عن بقية الطلعات الماضيه والسر راح تجدونها بين اسطري القادمه
وفيها بعض القفشات والحركات الكوميديه التي راح تعجبكم اكيييييييييد >>>>> واثقه البنت
اسمحوا لي اني راح استخدم الاسلوب العادي والعامي وراح اتكلم عادي عشان يطلع الكلام عفوي
والسهر يحلو ياحلوووووووين

الاسبوع الماضي ...
المكان ...في البيت يوم الاربعاء....
كنت اجلس انا وابو الشباب وشوي الا افتكر الجووووو والغيوم والامطار الرائعه التي هطلت على الرياااااض فقلت في نفسي اكيد الحين ثمامه تجننننننننن ....
وشوي وانقز فوق زوجي.... هجوم ....... مسكين وانخرع قال خير وش بلاءك بسم الله

قلت تكفى نبي بكره نطلع بر ونشب حطب ونسوي علووووم البدو .. قعد فكررررر قال بشرط
تطبخين وتنفخين هناك
وبعد تفكييييييير قلت طيب اوكي ..وانا قدها قال طيييب نشووووووووف

اليوم الثاني الخميس .....
قمنا من بدري الساعه تقريبا 8 ونص ... فرحانين العيال بالبر ....
قمت انا والشغاله حضرنا قدورنا واغراض الرحله كلها من والى حتى الملابس اخذنا منها احتياط عشان الصغار ..واخذنا لحف عشان البرد ...المهم رتبنا كل شيء ..تقريبا خلصنا الساعه 10 الصباح ..

قام ابو الشباب من النووووووم وبراسه علوووووووم فطرنا وجهزنا ...حالنا للرحله ..قال خلاص استعديتم ...قلنا الحمدلله كل شيء .....قال طيب وش راح نتغدى ..قلت خلاص نشتري بطريقنا كم حبة دجاج وبعض الاغراض وخلاص وهناك بنطبخ طبعا كبسه هو في احلى من كبسات البراري ..

قال اسمعوا برووح مشوار وبرجع لكم وانتم جاهزين ..... اوكي ...قلنا طيب اوكي لا تتاخر طيب ... قاااااال اكيييييييييييد

عاااد انا فرحت ,,قلت يالله احسسسسسن عشان اريح شوي واتمدد لاحد مايجي ...
.الوقت معنا وراءنا طبخ ونفخ ..

المهم راح وهو وولدي ابو عشر سنين ...وانا عاد تمددت على الكنبه للرااااحه قبل الذهااااب الى الرحلة البريه المنتظرررره

وبعد نص ساعه تقريبا او ساعه الا ربع رجع


رجع .........وشو تتوقعون جاااااب معاه .. .

وكان شرط علينا يوم شفنا هذه المفأجاة اللي جابها



في الحلقه القادمه راح اكمل لكم يتبع ,,,,,,