[ahmedan]

انا يا جماعة كنت امتحنت فى معهد القوات المسلحة للكمبيوتر فى النزهة وكان الامتحان رخم شوية لكن نحت الحمد لله فيه... بس نصيحة منى... اللى يعرف انجليزى كويس لان الاسئلة بالانجليزي، ودرس ICDL هيبقى الامتحان سهل بالنسبة ليه... والامتحان كنا امتحناه على الكمبيوتر بوقت محدد ولازم تكون سريع فى الاجابة عشان الوقت مش يسرقك... عموما ربنا يوفقكم جميعا...

انا حاليا ضابط بضائع فى شركة مصر للطيران للشحن الجوي والحمد لله...

ربنا يوفق الجميع

نسيت اقولكم ان وظيفة ضابط حركة التحميل ديه وظيفة متعبة جسديا شوية لان شغلها مرهق... وهو عبارة ان الشخص بيكون مسئول عن تحميل الطائرات بامتعة الركاب وشحنات البضائع بجميع انواعها من الطائرات المسافرة من مصر وايضا عن تفريغ الطائرات من الامتعة والبضائع للطائرات القادمة الى مصر... ووجه الخطورة انه يقوم بوضع كل شيء بنظام وطريقة معينة وتوزيعها على الطائرة بطريقة معينة يتم تدريبه عليها من الشركة بالطبع... لان الاخطاء ووضع حمولات زيادة على الطائرة مثلا قد يؤدى طبعا الى ماذا؟؟؟؟.... طبعا الى ايقاع الطائرة وتحطمها... وبعد كده يروح فى ستين داهية... ههههه.... ومش هوه لوحده ... لان ضابط البضائع اللى زينا هوه اللى بيسلمه البضائع باوزانها... فلو اخطأ ضابط البضائع فى وزن الشحنات... يبقى بالتأكيد ضابط التحميل هيخطيء فى التحميل لانه يقوم بتحميل الطائرة بناء على الاوزان والمعدات التى اعطاها له ضابط البضائع.... المهم ربنا يستر علينا كلنا... ههههههههههههه
لا تقلقوا... هههههه.... لكن خدوا بالكم بالتدريب كل شيئ بيكون روتينى...
لكن المهم انه مجهد جسديا لان العمل كله على الطائرات فى المهبط... وايضا احيانا يكون لهم مأموريات ويكونون مرافقين للطائرة