الله يعطيك العافية أخوي اللورد على تجاوبك مع الأخوان ..
عندي استفسارين لاهنت ..
1- بالنسبة لتخصصات فنيي الصيانة للطائرات العمودية , ماهو أفضل تخصص
وماهو أسهل تخصص وأقله جهداً في الصيانة ؟
2- أسعار الطائرات العمودية , من كم تبدأ تقريباً ؟
وشاكر لك تفاعلك الطيب واتمنى لك إجازة سعيدة
اهلين اخوي
اولا بخصوص افضل تخصص انا من وجهة نظري انه AVIONICS تخصص عن اجهزة الراديو وعدادات الملاحه بتسالني وش السبب لانه حبيبي هذا المجال في تطور دائم من اللي اشوفه
في اقسام محركات وهايدرولك وكهرباء لكن ماشوف التطور فيها كثير هي هي ماتتغير لكن الافيونكس دائما تتجدد مما يعني دورات اكثر لك وتطوير لذاتك اكثر
اما اسهل التخصصات فصراحه مادري لكن بشكل عام الصيانه يبيلها جهد وناس صاحيه لان هذي فيها ارواح اوادم حرام تروح ارواحهم عشان خلل فني وممكن انه اتفه من ان يذكر
ويالغالي اسعار الطيارات روح الحراج واسال ههههههههههههههه
والله ماعندي خلفيه عنها لكن اذا يوم توافق تواجدك في دبي مع معرض الطيران بتحصل هناك الشركات تعرض جميع انواع الطائرات اسال وان شاء الله تحصلك شي يناسب دراهمك وعساهم يسمحون لك من الاساس تشتري
تحياتي