غريبة !
أجل يبدو إن الكلام اللي أنا سمعته صحيح
إن الخطوط القطرية ليس هدفها ربحي بشكل أساسي
بعكس طيران الإمارات اللي هدفها ربحي بحت
والله الفرق هذا مصيبة عظمى !!
مع إن القطرية أفضل من طيران الإمآرآت في السعة المقعدية والخدمة
وخصوصاً درجة رجال الأعمال الحائزة على جائزة أفضل درجة أعمال في العالم
وأفضل قائمة طعام في العالم !
بصرآآآحه لا تعليق بخصوص طيران الإمارات هذا السعر الجنوني !!
والقطريين يشتكون من غلاء التذاكر !!
ياجماعة وش الحآآصل ؟؟
ياخوي خل عنك الجوائز اللي ما منها فايدة
ترى حتى الكويتية قبل 4 سنوات ماخذة جائزة افضل برامج ترفيهية وهي ماعندها غير 30 قناة واجدد طيارة عمرها 10 سنوات
طيران الامارات الكل يسافر عليها لأن الكل يعرفها بسبب اعلاناتها الضخمة بكل الملاعب وخدماتها
انا بعطيك المميزات للمسافر من الكويت الى لندن ع الاماراتية (درجة اولى)
1-مبنى خاص للشركة بمركز عمليتها وقاعات وخراطيم لتوصيل الركاب للطائرة
2-اقامة مجانية لمدة ليلتين بفندق ارماني(سعر الليلة اكثر من 800 درهم)
3-خدمة التوصيل بدبي من والى المطار
4- الاماراتية لها 5 رحلات يومية لهيثرو توفر اجنحة لركاب الدرجة الاولى (رحلتين منهم توفر الشاور)
5- توفر سائق مع سيارة بلندن لتوصيلك من والى المطار (لغاية 150ميل من المطار)
6-توفر لك قاعة خاصة لركاب طيران الامارات بمطار هيثرو توفر لك كل وسائل الراحة
ومركز رجال الاعمال ومؤكولات (حلال)
7-بعد الانتهاء من الرحلة تحصل ع اميال تأهلك لرحلة مجانية لدبي رجال اعمال(ذهاب وعودة
القطرية معروفة بكراسيها الفخمة والطائرات الجديدة لكن مافيها شي يميزها عن باقي الشركات مثل (الشاور بالسما والقاعات خارج المركز الرئيسي والسيارة مع سائق)
الاماراتية تتعب ع التميز والكل شاف انة اهي الشركة الوحيدة اللي طلعت دعايتها بكاس العالم اللي شافة العالم كلة تقريبا
اعتقد هذا السبب قاعد يدفع ثمنة فقط الركاب الاماراتيين لأن الاماراتية غالية بس للي يسافرون من الامارات اما من باقي الدول يكون السعر اما نفس الشركة الوطنية او اقل احيانا خاصة اذا كنت مسافر من اوربا التذاكر ابلاااااش
(انا ادافع واجد عن طيران الامارات لأني اشوف الفلوس اللي ادفعها مو حرام فيها )