[فاطيما1984]

مرسى ليك منشستر على كلامك الجميل على العموم انا هعهدى فى الاسكندرية على محطة ترام بوكلى ومصاريفة 3500 وبينزلوا 1000 جنية لو انت كويس فى الانجلش يعنى بيتعملك اختبار الاول وممكن تكون المصاريف كلها 1000 جنية بس لو انت يتيم وبيدرسولنا مضيفين كلهم خبرة فى واخد فى الخطوط السعودية 20 سنة وواحد فى الامريتس وواحدة فى مصر للطيران دة غير اننا بناخد تنمية موارد بشرية والمادة دية مهمة لبناء الثقة بالنفس ومحاولة التغلب على نقاط الضعف عند دخولاى انترفيو زى القلق والخوف وتحريك الايدى كتير وكيفية الجلوس امام اللجنة وازاى تجاوب وانت مش خايف دة غير ان فى تيتشر انجليش لتنمية المحادثة بالانجايزية و التيتشر دية كمان كانت مضييفة فى الخطوط السعودية يعنى كل المدرسين الى عندنا الحمد للة خبرات كبيرة فى مجال اليافة الجوية ومحاضراتة 3 مرات فى الاسبوع المرة ساعتين دة غير ان فى محاضرات الصبح للناس الى بتكون من محافظات تانية عشان يلحقوا يروحوا متاخر طبعا ودور المعهد تبلغيك بمجى الشركة عشان السفر وكل ترتيبات السفر بتكون على مسئولية صاحب المعهد الاتوبيس والعدد والاماكن ال بنروحها دة غير انهم كل 3 اسابيع بيعملولك شى زى الانترفيو التشبيهى بيجى مضيفين من برة وبيعملوا لجنة كانها لجنة شركة الطيران وبيعملوا انترفيو لكل واحد على حدا وبيتصور عشان تشوف نفسك انت كنت عامل ازاى فى الانترفيو قلقان متوتر واثق من نفسك يعنى هدفة تشوف نفسك وعيوبك قبل الانترفيو وتحاول تصلحها وكمان فى الكلاس بتاعى كانوا عاملين زى رحلة من اسكندرية الى جدة من اولها لاخرها لدرجة اننا طبعنا تذاكر الطيران وطبعا كلنا فورمال وعملنا اجراءات السيرفس والسيفتى لدرجة اننا عملنا زى ما يكون حريقة حقبقية عشان نشوف الطلبة هيعملوا فيها اية وكل دة نزل على سى دى وودناة لليمنية ايام ما جت اخر مرة وعجبها جدا وكانت عايزة بنات منة لكن لللاسف اكتر البنات دية كانت اشتغلت فى العربية ومصر للطيران وارمريتس ومكنش فى غير واحدة هى الى راحت قدمت وفى نفس الوقت كانت فى السى دى دة فاخدوها على طول وباقى البنات الى كانت مقدمة عندنا لليمنية كانوا منالكلاس الجديد ومع ذلك الحمد للة اتقبلوا حضرتك تقدر تيجى اليكس فى اى وقت وتشوف كل شى على الطبيعة عندنا واكيد هتشرفنا وتنورنا