[دينا محمد]

أدله للأستاذ خالد تفهم ولا تثبت...(الموبايل والأسبيكر)
أنا مضيفه سابقه فى Emirates تركت الخدمه من 7 سنوات واتجوزت وعندى اولاد.
طلبت منى بنت جارتى انى اروح معاها المعهد بتاع اسامه ومرفت بعد الأعلان اللى نزلوه علشان أنا عندى خلفيه عن الضيافه - وروحت معاها.. اول ما دخلت البيت اللى فيه المعهد من تحت من الباب الحديد الصغير الى السلم الملتوى الضيق حسيت انى فى بيت العنكبوت , ودخلنا المعهد - صاله صغيره تؤدى الى صاله اخرى ثم سكرتيره غير مبتسمه كلمناها وطلبت ان نكتب بيانات تعارف - قلنا لها نقابل السيد اسامه اولاً وبعدين كله هيبقى تمام فردت (كابتن)؟ اسامه فى انتظاركم.
دخلنا الى مكتب السيد اسامه - مكتب مستطيل المساحه سقف عالى من الطراز القديم وعنكبوت فى بعض الأركان وده شىء غريب اكد الأحساس الأول عند دخولنا من تحت واضاءه غير مريحه وابتسامة استقبال عريضه لشخص فى بداية الخمسينات وسجادة صلاه موضوعه بشكل ملفت.
ودخلنا فى الموضوع - وتحرك بحركه نصف دائريه لسحب بعض الأوراق ليلفت نظرنا الى كاب طيار متلمع وكأنه طالع من الدراى كلين. فبدأ يستعرض الشهادات الموجوده خلفه ولاحظت ان الشهادات ليس عليها أى أختام مصريه تؤكد التصديق عليها من الجهه المختصه بالطيران فى مصر حسب القانون المصرى وهى سلطة الطيران المدنى المصرى ولا حتى عليها أختام هيئة الطيران المدنى فى البحرين ولا أختام وزارة الخارجيه فى مصر أو البحرين.
واستعرض لنا أمجاده فى تشغيل البنات فى شركات الطيران وكر أسماء الشركات وهو لا يعرف انى مضيفه سابقه وكانت كلها شركات شارتر وليست انترناشيونال وذكر الوفير وناس وسما والعربيه والبحرين وفلاى دبى ولم يذكر أسماء شركات مصريه شارتر؟؟ وبدأت استحثه بأسئله لذيذه وابتسامة المضيفات التى تعلمتها كى يوضح الصوره أكثر.. فمسك الموبايل بتاعه وقال(طب استنوا هسمعكم) وطلب رقم دولى وكلم شخص فى العربيه للطيران وفتح الإسبيكر (لن اذكر أسماء لأن الأشخاص دول أكيد محترمين جداً فلاداعى لذكر أسمائهم) وكانت المكالمه كالآتى انت لسه راجع من رحله ولا ايه صوتك متغير (الطرف الثانى) لأ..انا نايم ورد هو شوفت الحاجه اللى انت جبتها منوره فى السايت بتاعنا اذاى (الطرف الثانى) يا اسامه انا عندى وقت اشوف حاجه يادوب بدور على النوم.............
ثم مكالمه اخرى دوليه وقال لنا هسمعكم اد ايه المعهد جوه شركة ناس - اذيك يا أبو(----) البنات بتشكى من بيز جده (الطرف الآخر) هتعملهم ايه ده أحسن ليهم (اسامه) بس انتم لعبتوها صح ووفرتم كتير (الطرف الآخر) والله يا اسامه ما فيها توفير (اسامه) جايين امتى علشان نحضر الأستقبال (الطرف الآخر) ما حددنا بعد......
كل الكلام ده والأسبيكر بتاع الموبايل مفتوح
مكالمه اخرى دوليه لشركة الوفير بيستفسر فيها عن بنات معينه كانوا كلموه بيشتكوا من حاجات معينه كانت فى التدريب وهكذا - وبصراحه ان الطرف الآخر فى اى مكالمه كان غير مبالى بالمكالمه ولا يوجد الدفىء فى الرد للطرف الآخر وذكرنى هذا المشهد الغريب من رجل كان فى المهنه من قبل وتعلم أخلاقيات المهنه وذكرنى بمشهد فى فيلم (أبو العربى وصل) لما كان بيكلم الريس - ريس المجلس المحلى ولما كان بيكلم عمرو دياب وهيبعت له بدله جديده للشريط الجديد لكن الفرق بينهم ان هانى رمزى فى الفيلم مكنش بيفتح الأسبيكر للموبايل يعنى بتسمع طرف واحد اما السيد اسامه كان فاتح الأسبيكر علشان يسمعنا ويفضح بعض الأشخاص - ابو العربى رغم انه فشار كان عنده اخلاقيات اما السيد اسامه فقد اخلاقيات المهنه عندما سمح لأشخاص يسمعون لكلمات اشخاص اخرين وهم لا يعرفون بذلك ويتكلمون بأمان.
السيد خالد ... هل فعلاً عملتم بيز جديد فى جده لتوفير الأقامه للمضيفيين والمضيفات الذين كانوا ينزلون فى جده؟؟ الأجابه سمعناها عن طريق موبايل السيد اسامه والأسبيكر المفتوح - اما ما كان يتكلم عنه مع الشركه العربيه للطيران وموضوع فى السايت بتاعه ممكن حضرتك تدخل على السايت ذى ما أنا عملت وتعرف ايه الحاجات دى ومنوره فعلاً فى حمام السباحه والتدريب وانها بتيجى من شركات الطيران او من على الطياره نفسها.