[salahjuma]

حبيت اشارك بتجربتين حصلو لي من شهر تقريبا، الاولى انا طير من الفلبين رايح الكويت وكنت فعلا تعبان وقتها والرحلة طويلة، وصلت الكويت واللا الرؤية معدومة غبار وما كان في مراقب جوي قلت مو مشكلة انزلها ILS وفجأة علق ال CDU قلت بسيطة انزلها GBS وكان اصلا معلق شكل الكمبيوتر واصل عالاخر بعد محاولتين فاشلين بالهبوط وفي كل مرة اشوف المدرج يكون باقي ربعه ويخلص ظهر فجاه المراقب الجوي قلت الحمد لله يعطيني الاتجاه ويشوف عني اكلمه يقول no voice هههه بصراحة صدمني وانا كنت محاولة ثالثة للهبوط قلت صوب المطار مافي عمارات عالية نزلتها لغاية 1200 قدم وبسرعة تقريبا stall شفت المدرج على اول ربع ونزلتها البرج يقولي وقفها اي مكان من الحرة اللي فيني اول طوفة مبنى ركن عندها وعملت شت داون المراقب الجوي مات ضحك

الثانية طاير من الكويت لاستراليا وكانت هذي اول رحلة تقريبا 13 ساعة وصلت ثاني يوم كل الاجهزة شغالة تمام والوجهة صحيحة والمطار على بعد 20 مايل بس مو شايف مطار ما في اللا مزارع وخرفان طب وين راح المطار و سويت زوم بال gbs طلع المطار اشوف من الشباك مافي شئ نزلت من ارتفاع 8000 الى 1000 وانصدمت لان المدرج كان خاص بمزرعة للطائرات اللي ترش مبيد حشرات وما كان في اي دلالة عليه حمد الله ان طيارتي خاصة برجال الاعمال يعني 20 راكب بعد محاولتي عملت ابرووج بطئ مع البريك ونزلتها full reverse بس المدرج وصل عالاخر وادوس بريك رجل وهوائي تقريبا كنت حصدم الشجر اخر المدرج بس حمد الله سرعتي كانتي 40 فعملت تكسي على الرمل استعراض هههه وكانت فعلا صدمة بعد مسافة طيران

والسلام ختام

اخوكم بو احمد