[moha4tec]

السلام عليكم
الكلام ده مينفعش خالص يا رجاله كله غلط
1- المراقب اول شى يقرا الدفاتر الفنيه قبل استلام النوبه
2- يتم تسليم و تسلم النوبه من قبل رئيس النوبه عند وجود مشاكل بين النوبه الراحله و القادمه و ايضا فى عدم وجود مشاكل
3- يقوم المراقب فى النوبه السابقه بسرد جميع المستجدات و الاحداث و الموقف كامل للزميل اللذى يستلم منه بكل دقه و هدوء.
4- يبقى المراقب القديم حتى بعد تسليم النوبه لفتره حتى يطمئن على حركة الترافيك و على زميله استوعب الترافيك و الموقف و الا لا.
5-حتى لو عمل اه زميله من حركات استفزاز المفروض ان احنا ناس كبيره ناضجين و اننا بنتعامل مع ارواح بشر لازم نستحمل مش كل لما واحد هيستفزنى هقول معلش مش قادر اشتغل اصل انا متنرفز سامحنى.
6-اثناء التاهيل للمواقع الجديده يتم عمل كافة شىء فى المراقب من ضغط و عصر و استفزاز و قرف و زعيق و تخويف ووضعه فى مواقف سيئه للغايه لان التاهيل و التدريب ليس عملى و نظرى فقط و انما نفسى ايضا فيعنى المراقب مبيمسكش موجه الا و هو 1000000 ال 100 لانهم بيطلعوا روحه قبل ما يشتغل لايف عشات دى ارواح بشر مش هزار
7- هذا الامر محظور خصوصا فى المطارات الشغاله هافى ترافيك لانه لا يوجد عدد كافى لمثل هذه الرفاهيه و لان الموضوع لو اتفتح كده كل الناس هتتدلع بصراحه و كده مينفعشز
8- لازوم اى امر تعطيه للطيار تكون عارف انت بتعمله ليه و مستند على اى قاعده و حافظها و فاهمها صح و بتطبقها صح,عشن لما يسالك تعرف ترد رد يفحمه و يسكته بات الرحله و يريحه و يطمنه ليك كل الرحله.
9- ابدا انت بالاوامر فى وقتها متستناش الطيار يقولك لانهم مش كلهم فهمين كويس فى المراقبه و بعضهم فاكر نفسه فاهم و بيتفزلك.
*** فى النهايه المراقب اللى مش شايف نفسه اسد و يقدر ياكل الترافيك و يطويه فى جيبه ميشتغلش احسن لوحده, يخلى حد معاه,يرجعلو ثقته بنفسه.و انا مع المراقب لو مقدرش يسيطر على نفسه مش هيقدر يسيطر على الترافيك, لان ساعات كتير اوى الطيارين بيستفزوا المراقبين و بيتكلموا كتير بدون داعى و ساعات بيغلطوا كمان ,فانت لو فضلت كده هياخدوك فى الكلام و هتخرج بره المود بتاعك و هتفقد سيطرتك على الترافيك كل يوم و بعد كده هتفقد ثقتك بنفسك كمان.
***** احب اقول لاى مراقب جديد خليك جامد و اتعلم من الاقدم منك و الاصغر منك و خليك صبور و اقرا كتير فى المجال و فى الطيران عموما لان الطيارين بيقدروا يتشطروا بس على الجهلاء من المراقبين فقطططط , و ربنا يوفقكم جميعا