[hamod]

سلام عليكم....بما انه موضوع يهمني نوعا ما وخاصتا يتكلم عن وندوز فا حبيت اشاركم في تجربتي مع وندوز 7 وللاسف كان نوعا ما بائت سلبيات! ليش؟ بخبركم ليش:
اولا يوم بغيت اركب Anti Virus حق الوندوز 7 لم يتقبل اي نوع قديم من برامج ال AntiVirus ولي هي تم اصدارها بسنة 2009 الا لازم تكون 2010 وفوق!!! واضطريت اشتري Antivirus من اصدارات 2010 وفوق. هذه بنسبه للاول خطوه طبعا الواحد يفكر يسويها يوم يفرمت الكمبيوتر ويركب مضادة فيروسات.

ثانيا:بغيت انزل واثبت الماسنجر موديل 2008 ونفس شي رفض يشتغل عندي الا يوم نزلت النسخه الاخيره الاخيره من الماسنجر ولي هي تيجي على شكل update للماسنجر 2008.

طيب سوينا اب ديت للماسنجر وشتغل! بس ياترى اشتغل بكل خدمات المانسجر؟!! للاسف لأ! ليش؟
لأنه فكرت استخدم المايك والكميرا مع صديق لي يعني نسوي محادئه مرئيه وصوتيه ولكن للاسف اشتغل الكام ولم يشتغل الصوت او المايكروفون؟! مع العلم انه كرت الصوت معرف والمايك ولسماعه شغالين 100% ومجربهم حيث اني سجلت صوتي وسمعته!! طيب اذا شو المشكله؟ المشكله من الماسنجر نفسه للاسف لنه اخر اصداره ما فكرو يصلحو هل مشكله ومع علم بعد اني مجرب هذه الاصداره لاخيره على وندوز XP واجهت نفس مشكله فظطريت استخدم نسخة 2008 من الماسنجر وشغال 100% على وندوز XP ولكن للاسف ماتشتغل هل نسخه على وندوز 7.

طيب هاذي مشكلتين بنسبه للبعض بسيطه؟ بس هل المشاكل وقفت لهني ياترى؟
للاسف لأ.
فكرت انزل لعبه يديده ماصار لها سنه تقريبا اسمها GTA IV ول معروفه تقريبا للجميع حاولت انزلها على وندوز 7 ولكن للاسف وانا احاول اثبت للعبه يتوقف على تثبت وياخذ وقت طوييييييييييل...ولكن على وندوز XP للعبه شغاله وحتى ما اخذت وقت في تثبت مع العلم انه حجم لعبه يصل الى 16 جيجا.

طب فكرت مع نفسي اذا الوضع جي على ابسط البرامج كيف لوفكرت انزل برامج ثانيه او نسخ قديمه من برامج او اللالعاب من سنة 2009 وتحت؟ فقلت لنفسي احسن اني اتم على وندوز XP بعد هل تجربه الي بائت بل فشل ذريع اعتبره للابسط البرامج.

بس رغم كل هل سلبيات الوندوز 7 في مميزات رائعه ومريحه ومنها انه ماتحتاج تقريبا لأنك تعرف الجهاز كل مافكرت تفرمت او تصلح شي معين...الوندوز تقريبا يسوي كل شي بنفسه وهذي ميزه مريحه وغير ميزة الوندوز ماله كثير من update يعني ماتحتاج لساعات تقعد فيها بس تسوي update الا اذا جهازك محتاج فعليا لل اب ديت مثل كرت شاشه او كرت صوت او حتى شاشه الي تستخدمها يقدر يدور لك اب ديت وعلى سبيل المثال انا استخدم شاشة Samsung وهل وندوز طلع لي اب ديت حقها!وللمعلومات ال اب ديت ال يتوفر من قبل الانظمه القديمه وقصدي فستا و اكس بيه ماتوفر لك هل نوع من ال update وهذه شي بسيط من المميزات الاخرى الي موجوده في وندوز7 مثل توفير القدر على تحكم الكامل بل جهاز عن طريق الصوت وغير انه الوندوز 24 ساعه يسوي دفرجمنت (Defregment) اتوماتك كل ماتشغل الجهاز وهذه الي يعطي ميزه على اداء السريع مع هل نظام التشغل للوندوز 7 وراحه التامه بدل ماتضيع وقت وتنتظر ساعات عشان بس تسوي دفرجمنت.

طيب نأتي للاهم وهو موضوع سموليتر لما جربته على وندوز 7! صراحه انصعقت من النتيجه المذهله الي تحققت على هذه الوندوز بحيث انه لعبه اشتغلت وتحسنت بنسبة 99% خلنا نقول عشان ما نبالغ وصراحه حتى الفريم ريت ما كان ينزل عن 25% تقريبا وهذه يعتبر انجاز ومع علم غير تحسينات الثانيه لاحظتها بدون ذكرها الي طرئت على لعبه السموليتر مع هل وندوز! وصراحه انا مستغرب جدا من هل نظام الي حقق انجازات رائعه ولكن للاسف كان بعده اعتبره مب جاهز ومحتاج تحسين وحل للمشاكل الي ذكرتها سابقا.

على عموم هذي هي كانت قصتي مع نظام التشغيل الجديد لوندوز 7....تقبل مني ارق تحياتي ولي عنده فكره او حل للمشاكل المذكوره فوق مايبخل علينا بل حل....وشكرا جزيلا لصاحب الموضوع والمشاركات وتفاعل من لاعضاء الكرام.