طبعا يا اخي كلامك مافيش غبار عليه
بس مثل ما تفضلت الاخوات وقالو الزمن غير الزمن وبعدين مين من النساء مثل امنا خديجه رضي الله عنها ولا مين من الرجال مثل سيد البشر وخاتم المرسلين سيدنا محمد صلى الله عليه وسلم طيب ما السيده خديجه كانت اكبر من النبي فهل ده هيخلينا نقول وماله لما واحد يتزوج واحده اكبر منه اش جاب اي حد فينا للشخصيتين العظيمتين دول اش جاب اي زواج مهما كان نجاحه لانجح زواج عرفته البشريه
يعني المقصود من كلامي يا اخي طبعا اكيد الموضوع ده مش حرام وجائز شرعا
بس احنا في زمن ماينفعش فيه كده والافضل ان الواحده تسيبها على ربنا والزواج والرزق مكتوبين لكل واحده من وهي في رحم امها فبمعنى ادق نصيب كل واحده بيجيلها لغاية عندها
بس علشان برضه يكون الكلام واضح لما الواحده يجيلها نصيبها ويكون انسان صالح وبيتقي الله فيها يعني زي ماقال النبي صلى الله عليه وسلم ((إذا جاءكم من ترضون دينه وخلقه فأنكحوه إلا تفعلوا تكن فتنة في الأرض وفساد كبير. قال يا رسول الله وإن كان فيه؟ قال: إذا جاءكم من ترضون دينه وخلقه فأنكحوه ثلاث مرات) كما في سنن الترمذي.
يعني يبقى بلاش مغلاة في المهور والشقه لازم تكون سوبر سوبر لوكس والشبكه ماتقلش عن بنت جارة تنت توحه ههههههههههههه يعني المقصود نسهل ونيسر في الجواز واحنا والله الجواز عندنا في مصر يمكن في الفترة الاخيرة بقى في تيسير كتير عالشباب من الاسر والحمد لله
وفي الاخير اللهم ارزق كل فتيات المسلمين بالازواج الصالحين
وكل شباب المسلمين بالزوجات الصالحات
وارزق الجميع يارب الذريه الصالحه يااارب اللي تفتح اقدس وترجعها للمسلمين ياااارب
وفي الاخير بعتذر عن الاطالة وجزاك الله خيرا يا اخي على موضوعك القيم