أتعبتني يابن الحلال
ملِّيت من كثر السِّفر مـلــَّيت الغياب
مليت أشوف النَّاس وانت منت فيهم
مليت أعزف همومي عزف زرياب
ومحدٍ يفهم معاناتي ..وابتلش بيهم
إن لقيت أصحاب .. دقـُّوا علي الباب
وقالوا وينكْ ما نشوفك ... والقصد أسليهم
وان هجرت دنيتي واتخَّذت محراب
قالوا علامه..؟ صار مجنون ماشا الله عليهم
آهه.. كُلــُّه مِنــَّك ...تختفي من دون اسباب
ماتدري انك بين الناس إنتا ...المِحــَــلـــِّيهم
أدورلك يالمختــفي بشمعة ومِــقــْرَاب
وانت ما تسأل وتقول ..ويش عَليّ فيهم !!
هذي أحوالي معاك..ويش جاب لِجَاب ..
أكتب لك قصايد حب .. وانت ترميهم ..
أتعبتني يابن الحلال ...كافي ذهاب وإياب..
روحاتك... وجيَّاتك... ذي ويش تسميهم
إنت عارف مين يحبك..وانت عارف مين كذاب
بس تبيني أعصِّب ...حسبي الله عليهم .
تصدِّقهم إلا قالوا ....أنا لـَعـــَّــابْ ؟!!
وقلبي اللي بين يَدَّك ...ماهو بـِحُجَّة عليهم ؟؟
ويش باقي بعد ..العيار يدوش وان ماصاب..
والمصيبة إنك منت شايف بلاويهم ..
مسكين يا قلبي ..لاإنت بيدي ولا بيد الأحباب
وراعي الجروح ...مايعرف يداويهم ..
مسافر.. غصب عني .. رغم العذاب ..
الله يسامح الحُسَّاد ومن ذا المرض يشفيهم..
مع أجمل تحية
*****