واخيرااااااا الجزء الثاني ... اتصدقين يوميا ادخل الجزء الاول حق اتأكد عبالي راح ايكون في نفس الموضوع .. ويمكن هذي الي زاد المشاركات...
وبالنسبة عن الردود معاج حق ,.. لانج لما كنتي اتصورين الصور كنتي مستانسة وحاطة في بالج ان عدد المشاركين في الموضوع راح ايزيد عن المشاهدات .., بعدين تنصدمين .. ترى عادي احنا تعودنا .عالموضوع.. وبعد في ناس اتشوف الموضوع وهي مب مسجله في المنتدى .
عالعموم وبدون مجاملة ترى التقرير جدا رائع ومتعوب عليه والله يوفقج وتحصلين على الجائزة ..
وتسلم يدج على التصوير الرائع .. لاني كل ساعة ادخل واشوف التقرير من البداية .. وايد عاجبتني الصور.. وبصراحة شوقتيني على بانكوك .. اتصدقين من عمري سنتين كنا دايما انسافر بانكوك وماليزيا .. تقريبا 18 مرة لكن صار لي سنتين مازرتها . وماتخيلين اشكثر مشتاق لها...
الف شكر لج أختي على التصوير .. وانا كان حلمي ان اسافر على البوينج 777 طيران الخليج لكن الله ماكتب لنا . وانتي ماقصرتي خليتينا انعيش التجربة.
وحسافة مانزلتوا البحرين جم يوم ...