بواسطة Abo zeyad
بسم الله الرحمن الرحيم
الأخوة الكرام .. أعضاء منتدى خط الطيران
السلام عليكم ورحمة الله وبركاته
الموضوع : صناعة Cockpit صغيرة منزلية بأقل التكاليف
انا حابب اليوم اشرح طريقة تجميع كوكبيت صغيرة منزلية وفي نفس الوقت تكون رخيصة وتكاليف صناعتها قليلة وكمان توصلك احساس الطيران الواقعي ...
الشرح انا حاطط فيه الصور الخاصة بالكوكبيت الصغيرة بتاعتي الشخصية اللي عاملها في بيتي وارجو ان الموضوع ينال اعجابكم
وهي تسع لاستخدام 2 طيارين وليس واحد
بسم الله نبدأ
- ملحوظة : انا حقسم الشرح الى أجزاء :
1- المواد اللازمة لصناعتها .
2- كيفية التركيب .
صورة عن الكوكبيت الصغيرة
1
- المواد اللازمة لصناعتها
1- ذراع التحكم
وده سعره حوالي 30 يورو ( كل واحد يحسب خسب عملة بلده مقارنة بسعر اليورو)
---------------------
2- لوحات المفاتيح
حنحتاج في الكوكبيت دي 4 لوحات مفاتيح وطبعا سعرهم مش غالي لأنك ممكن تشتري اي لوحات مفاتيح .. المهم تكون USB
--------------------
3- لزق من النوع Double Face Tape يعني بيلزق من الناحيتين وده ممكن تلاقيه بسهولة جدا ورخيص مش غالي
-------------------------
4- شاشات الكمبيوتر : (وانا استعملت شاشة LCD وشاشة CRT )
وملاحظة مهمة : لازم يكون كارت الشاشة في الكمبيوتر الخاص بك يدعم تشغل شاشتين وهي خاصية موجودة في كروت الشاشة الحديثة
------------
5- USB HUB وده علشان حيبقى عندنا وصلات USB كتير ومخارج الـUSB الموجودة في الكمبيوتر مش كفاية فنضطر آسفين اننا نزود عدد المخارج بالجهاز ده
6- حنحتاج ورق مقاس A4 Scotch
او بالعربية (ورق خلفيته زي الاستيكر ولكن من الامام زي الورق العادي ) او ممكن نعوض عنه بورق مقاس A4 عادي واي نوع لزق سائل .
----------------------
7- برنامج الـAdobe Photoshop
للقيام بكتابة وتصميم الازرار للوحات المفاتيح
----------------------
8- لوح خشب طوله نصف متر × 30 سم
-------------------------------------------------------
إلى هنا المكونات خلصت كلها
ونبتدي التجميع خطوة خطوة
خطوات تجميع القطع :
1- نقوم بتوصيل جهاز الـUSB Hub بالكمبيوتر وتوصيل الـ 4 لوحات مفاتيح عليه.
2- نقوم بتركيب الشاشتين وتوصيلهم بكارت الشاشة الموجود بالكمبيوتر .
3- توصيل ذراع التحكم .
خطوات التصميم :
1- نأخذ مقاس الزر في لوحة المفاتيح وليكن مقاسه 1 سم × 1سم ونقوم برسمه برنامج الـPhotoshop على ورقة مقاس A4 ونعطية اللون الاسود ونبدأ بكتابة الازرار التي سنستخدمها اثناء الطيران ثم نقوم بطباعتها وقصها ولصقها على لوحتين مفاتيح فقط وكمثال للازرار الموجودة في الكوكبيت بتاعتي :
2- نقوم بفك جميع ازرار لوحة المفاتيح التي ليس لها داعي او ابقائها كما هي ( اختياري)
3- نقوم بلصق لوحتي المفاتيح على لوح الخشب بشريط اللصق الـDouble Face.
---------------------
البرمجة الخاصة بلوحة المفاتيح :
نقوم بالدخول على برنامج المحاكي الخاص بك سواء كان FS2004 او FSX ونقوم بالدخول على الاعدادات الخاصة باعادة برمجة الازرار الخاصة بلوحة المفاتيح ونقوم باعادة برمجتها على حسب الزر الذي تود استعماله ومكانه بلوحة المفاتيح .
---------------------
مكان الكوكبيت :
الكوكبيت مصممة بهذه الوضعية لعدد 2 طيارين وطبعا انا مصممها لأن انا واخويا بنطير مع بعض ولذلك ستجد ان شاشة الـCRT موجودة باسفل لوحتي المفاتيح التي تمت برمجتهم وهي موجود فيها جميع اجهزة او شاشات الملاحة بالطائرة
كمثال :
أما الشاشة الموجودة بأعلى لوحتي المفاتيح السابق برمجتهم فهي فقط لعرض الجو الخارجي كرؤية المدرج ولا يتم فتح اي شاشات بها ( اختياري )
وده الشكل النهائي للكوكبيت بعد تركيبها وتجميعها وبرمجتها .. وفاضل عدد 2 لوحة مفاتيح لم يتم استخدامهم !!! دول مخصصين واحدة لي والثانية لأخويا للاستعمال الطبيعي .. كمثال (للكتابة اثناء الرحلات الاونلاين ) أما عن ذراع التحكم فهو مشترك بيننا في الوسط .
وفي النهاية أرجو اني اكون قد وفقت في تقديم فكرة جديدة وسهله ورخيصة لبناء كوكبيت منزلية غير مكلفة وفي متناول الجميع ...
أي استفسار انا تحت الأمر .. وتقبلوا خالص تحياتي
أخوكم / RaiMei