وعليكم السلام ورحمه الله
اهلا بكي يا اختي معنا في خط الطيران
بالنسبه لسؤالك مثل ما تفضلت اختي لولوا ومشرفتنا العزيزة ياسمين ليس هناك مجال دراسه محدد لدراسه الضيافه الجويه
كل مافي الامر انه في معاهد بتدرس الضيافه المعاهد دي بتبقى زي كورسات يعني مش بتبقى شهادتها زي شهاده الجامعات زي مثلا معهد isi اللي عندنا في الاسكندريه فدي بتبقى بتدرس الضيافه الجويه بس بتبقى كورس مش زي الشهادات الجامعيه والمعاهد دي اختياريه يعني مش لازم يكون معاكي كورس في الضيافه الجويه علشان تشتغلي لان اغلب خطوط الطيران كده كده بتتولى تدريبك بعد قبولك عندها
اما بالنسبه لو تحبي انك ان شاء الله تبقي مضيفه اهم شيء ان اللغه عندك تكون كويسه ويفضل لو في لغه تانيه ويكون في تناسق بين الطول والوزن وحسنه المظهر
بالنسبه للشهادات المفضلة اظن الشهادات كلها سواء بس لو انتي خريجه كليه قسم لغات يعني مثلا خريجه اداب انجلش او الماني او فرينش او اي لغه بتكون ليكي الاولويه في القبول في الوظيفه كذلك برضه لو خريجه سياحه وفنادق برضه بتكون فيه اولويه وده لايمنع انك لو خريجه اي كليه تانيه( تجاره حقوق طب هندسه الخ ... انك مش تقبلي لا عادي جداا تكوني خريجه اي كليه بس الاولويه بتكون للي قولتلك عليهم
اتمنى اني اكون انا والاخوات افدناكي ولو عندك اي استفسار تاني احنا حاضرين وفي الخدمه
بالتوفيق لك