بســم الله الرحمــن الرحيـــم
السلام عليكم ورحمة الله وبركــاتــه
انا هجيبلكم بعض نماذج الرسايل اللي بتتبعت للمشرفين طبعا دة دليل ان فى ناس واخدة افكار غلط عن المشرفين
والموضوع ده للهزار وبس هههههههههههه(كده وكده يعنى)
اول ما قام من النوم لقى الموبايل بتاعه بيرن فلقى
الادمن بتاع المنتدى بيتصل بيه
المشرف:اصطبحنا واصبح الملك لله ......صباح الخير يا فندم
الادمن: خير هييجى منين الخير و انت سايب قسمك
ونايم الله يخرب بيت اللى شار عليا الشورة السودة دى انى امسكك
مشرف انت متنفعش حتى تبقى عضو موقوف
المشرف : ليه بس يا فندم دا انا حتى مغسلتش وشى ودخلت على
طول ع المنتدى
الادمن : عموما ادخل شوف قسمك ودا اخر انذار ليك ( فهمنى
طبعا ياعقرب )
وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه
السودة دى ماكنت عضو وميه ميه المهم دخل على الرسايل الخاصه بتاعته بقى لقى
الرسايل دى
الرسالة الأولى:
ازيك مشرفنا .. بقولك أنا اضفت موضوع بس معرفش شكله نزل ثلاث
مرات بالغلط أحذف أي واحد فيهم .. اللي يعجبك أنت بس احذف
الرسالة الثانية :
مرحب مشرفنا ..... بقلك شوف : في عضو قاعدلي كل موضوع يرد عليا
ويهيني قدام الأعضاء ... لو ماسكتوش هعمل حاجه محصلتش..
واقلبلكم المنتدى .. وقد اعذر من بنجر ...
الرسالة الثالثة :
ياااأبو الشبااااااااااااب ألحقني ... كل ما أدخل المنتدى يطلعني بره ...
ومش راضي يدخلني ايه الحكاية شكله كدة المنتدى. بفلوس ....
الرسالة الرابعة :مشرفنا ... ممكن لو سمحت تعدل اسمي من الحلوة الى ملكة جمال
المنتديات <<<<<<<< مصدقه نفسها
الرسالة الخامسة:
هاي عمري ... يارب تكون مبسوط .. بصراحة شخصيتك عاجباني ولك
هيببة في المنتدى بس ياريت يعني اذا عملت موضوع ثبتلهولي ..على
فكرة انا زعلانة محدش يثبتلي مواضيعي ( وانا مال اهلى انا
محدش بيثبتلك مواضيعك متتحرقى انتى ) دا رده طبعا
الرسالة السادسة :
ياعم هقلك على حاجة : مش هسلم عليك ولا حاجة انت أصلاُ
ماتستاهلش كل ما اعمل موضوع تحذفهولي .. عجيبة والله ...
الرسالة السابعة :
مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف
ازاي المشرف بيتعامل مع المواضيع و ايه الطريقة يعني بالعربي
الفصيح .. عايز الباسوورد بتاعتك اذا تكرمت (ماهو دا اللى ناقص)
الرسالة الثامنة :
يا اخي انت زودتها ... شايف نفسك علينا وكل مانكلمك ما تديناش
وش .. ياخي الاشراف مش يعني بقيت ملك ... اختشي على دمك
بقى .. قال مشرف قاال ... انت أصلاً هنا علشان تخدمنا .. اقولك :
روح هاتلي واحد شاااي
<<<<<<< صحيح الى ميعرفش يقول عدس
الرسالة التاسعة:
حبيب قلبى... ازيك حبي .. عرفتني ؟؟ أنا أمورة .. واحشني اوي ...
اقلك كلمني على الياهو ضروري ... بااااااااااي
الرساله العاشرة
(من المشرف العام) سامحنى بقي يابو زياد ههههههههههههه
السلام عليكم ..أخي
الاحظ كثرة الشكاوي من الأعضاء وكثرة المشاكل أرجوا تهدئة الأمور.
بأسرع وقت .. وان تفعل أي شي لمصلحة المنتدى ... وشكرا ...
الرساله الحادى عشر
لو سمحت والنبى يا سعاده الباشا فى بنت موجوده على المنتدى
ياريت تبقى تبعتلى ايميلها على ايميلى وليك الحلاوة طبعا
( ليه يعنى : قالولك عليا فتحها عالم سمسم بوزع ايميلات !!)
ههههههههه والله ساعات بحس ان المشرفين فعلا غلابة
بس والله ياجماعة في ناس فعلا بتتعب علشان المنتدى
واولهم اخى ابو عبدالله واخي ابو زياد
تحياتى لكم saso_2008