:: Flying Way :: - عرض مشاركة واحدة - شركة طيران جديدة اسمها سحاب فاتحة باب التقديم للمضيفات ومضيفين

hashima2008 · 29-03-2009, 10:18 PM

اقتباس: المشاركة الأصلية كتبت بواسطة desertrose

السلام عليكم جميعا

شوفو يا جماعه بالنسبه للانترفيو سهل وبسيييط بس عايز تركيز مع الشخص الي بيعمل معاكو الانترفيو وهوه بالمناسبه شخصيه طيبه جدا .
اول ما بتدخلو الشركه هتملو ابليكشن عادي جدا تكتبو فيه اسمكو والسن والمؤهل وما الي ذلك عادي جدا
وبعد كده هتقيسو الطول والوزن وبعدين تدخلو الانترفيو هوه شخص واحد بس الي بيسال
الاسئله عباره عن
تعرفي ايه عن مهام المضيفين ؟
وبعد كده اسئله استفسار عن المهارات الي انتو كاتبينها يعني مثلا لو واخدين دوره اسعافات اوليه هتكون الاسئله كالتالي
ايه الاجراءات الي هتتخذيها مع مسافر فقد الوعي فجاه ووقع علي الارض وطبعا الامر ما يسلمش من اسئله محرجه بعض الشئ زي لو مسافر عندو ازمه قلبيه والمفروض يتعملو خطوات انعاش القلب والتنفس هل ممكن تضعي فمك علي فمو ؟
يعني خدو بالكو وانتو بتملو الابليكشن توقعو انو هتتسالو ويتم الاستفسار عن اي كلمه بتكتبوها
وبعدين فيه اسئله بقي زي في رمضان هتصومو ولا لا ؟؟
لو راكب طالع ومعاه مشروبات كحوليه وابتدي يشرب والريحه معباه الجو (ملحوظه الشركه لا تقدم اي مشروبات كحوليه ) هتتصرفي معاه ازاي ؟؟
لو راكب اداكي رقم تليفونو واترازل هتعملو ايه ؟؟
وبعد لما تخلصو الانترفيو بالسلامه لو اتقبلتو هيتم الاتصال بيكو خلال من اسبوع لاسبوعين لو ماتصلوش يبقي خيرها في غيرها

طب لو سمحتي ايه اخبار الأنجليش ف المقابلة طول المقابلة انجليزي ولا في عربي فيها
ارجو سرعة الرد انا عندي غدا مقابلة الساعة3 ومرعوب شوية من المقابلة تكون انجليش كلها
وبتستمر المقابلة اد ايه من الوقت؟
جعلها الله ف ميزان حسناتك
ربنا يوفق الجميع