السلام عليكم ورحمة الله وبركاته
تيجوا تروحوا الويلكم بارتى للخطوط ونشوف ايه بيحصل هناك
الخطوط ابدعت واحنا طبعا مفروض نبروز الإبداعات دى ونشكرهم عليها لانها فريده من نوعها
بنظرة المقاييس الأساسيه لأى خطوط لأى دوله اكيد لها مقاييس معينه
ولكن الخطوط تكرمت ولغت اى مقاييس للمقبولات
1-متقلقش اى بنت اوفر وايت لأنه الراكب الوحيد هو اللى يقلق على نفسه وعلى الطياره
تم قبول بنات لا طول ولا وزن ولا يعقل ابدا ان يتم القول من هنا لغاية معاد السفر تعملوا دايت دايت ازاى اللى عاوز يعمل دايت فى 3 او 4 كيلوا
مش بنت يكون طولها 157 ووزنها 63 دايت ايه وطول ايه اللى تقدر بيه توصل لمعدات السلامه هتلبس كعب 7 سم وله تقول للركاب بليز هاتوا لنفسكم معدات السلامه وهتوهالى انا قبلكم شئ يفرح ونعم المقاييس
2-تكرمت الخطوط كرم كبيررررررر جدااااااا بقبول متزوجات ولا يوجد اى مانع ان يكون لديها اطفال بس بشرط تكتب فى الابلكشن كام طفل لييييييييييه علشان يتحدد فى العقد كام نص ساعه هتاخدها رضاعه اول مره تكون فى خطوط تقبل فى عقدها الاول مع المتقدمات وتسمح بالمتزوجات
3-طبعا الشكل ده بتاع ربنا وخلقة ربنا شريفه مهما كانت بس اكيد فى مقياس طبعا لإختيار المضيفه لان الشكل والمظهر العام يعكس على الخطوط ومظهرها وتم قبول عدد كبير جدا وتخيلت انه من الجميلات بلاش جميلات مقبولات بلعكس دول طلعوا ملكات جمال اوىىىى على العموم اوكيييييييه نعدى دى
4-بلاش طول ووزن بلاش مظهر وجمال بلاش بلاش بلاش طيب يمكن يكون فيهم لغات وخبره لكن اعرف بنااااااااااات كتير وده عن حقيقه انهم لا يفقهوا شئ فى الانجلش ماقولتش لغه تانيه قولت انجلش فقط ومع ذالك تم القبول يمكن فى امكانيات محدش يعرفها اللغه اصبحت نظره فإبتسامه فهزار ونغنى ونشوف جمال خطوتك دى بقت اللغه يمكن
لماذا تم القبول بهذا التصرف وهو واضح جدا لكل اللى عارف الخطوط اكيد طبعا يوجد هدف لهم؟؟؟؟؟
نقفل على المقاييس كفايه كده عليكم ونروح نشوف جنب الاستيدج بتاع اللجنه ووقفت على الباب لاقيت الأستاذ الفاضل (س.ب ) خارج من جنبى وبيبص لبنت معينه وبيغمز بعنيه انا شفت قولت اكيد فى شئ غير طبيعى ماعلينا تمر البطيخه من جنبى (البنت طبعا) وتروح للأستاذ الكبيروانا كبرت دماغى اد البطيخه كده وبعدين قولت اروح اظبط مكياجى رحت هناك قبلت البنوته هناك وطلعت مضيفه اصلا فى الخطوط دار الحوار بينى وبينها وانامش من المقبولات ولكن رحت للتأكد من اسمى موجود ام لا فعلا
المضيفه: انتى متزعليش انتى ربنا نجاكى والله من الخطوط دى
انا: ليه مالها الخطوط بقى كل البنات دى وحشين يعنى
المضيفه: لاء بس هيسلكوا انتى شكلك محترم اوى ومش هتنفعى
عاوزه تشتغلى بصى عشمى اى حد من اخواناااااااااا ولما تتقبلى طنشيه ده انا بوست ايد فلان الفلانى (س. ب) علشان يقبل وحده قريبتى اوى اعملى انتى كمان كده
انا: رديت طبعا انامعملش كده ليه الواحد يعد طول عمره يصوم يصوم ويفطر على بطيخه واتقفل الموضوع ومشيت وسبتها
وعرفت ان المصادر الموثوقه هنا تبع اللجنه وفرد منهم
ودى حكاية الوثوق فيهم ونقولهم يافرحه ماتمت خدها غبره وطار
ورجاء للإداره ان لاتلغى هذه المشاركه كما نظهر الجانب الإيجابى لأى شركه يجب ان يظهر الجانب السلبي ايضا