[yasmoo]

السلام عليكم ورحمة الله وبركاته
فالبداية انا بشكر كل القائمين على المنتدى الاكثر من رائع وبشكر الاستاذ محمد نزيه على وقته وردوده على استفسارتنا.
انا مش هاطول عليكم انا باختصار خريجة سياحة وفنادق قسم دراسات سياحية بتقدير عام جيد جدا ده المؤهل .
بالنسبة للغات انجليزى وفرنسى دول اللى اتخرجت بيهم .
بالنسبة للشهادات حصلت وانا فالسنة الثالثة من الدراسة على شهادة من مصر للطيران وموثقة من وزارة الخارجية تفيد باننى حصلت على التدريب العملى فى حجز واصدار تذاكر الطيران فى احد مكاتب مصر للطيران.
وفى السنة الثانية من الدراسة حصلت على شهادة من احد الفنادق تفيد بحصولى على التدريب فقسم الاستقبال والحجز.
بعد ما اتخرجت بدأت فى تقوية اللغات وايضا تعلم لغة جديدة.
وكمان حاولت العمل فى مصر للطيران لكن وجدت صعوبة بسبب ضرورة ان اكون من ابناء القاهرة الكبرى وانا ليست من ابناء القاهرة الكبرى وشهادة الخدمة العامة وانا كما ذكرت حديثة التخرج.
انا كل اللى بطلبه حد يقولى ايه المهارات المطلوبة منى او ايه اللى مفروض اعمله تانى علشان الاقى الفرصة اللى تكلل تعبى طول اربع سنيين وهل شهادة مصر للطيران كفاية مع العلم انه اثناء التدريب كنت بقوم بعمل الحجوزات من وقت لاخر وطبعا تحت اشراف العاملين فالمكتب وياريت لو استاذ نزيه يفيدنى برأيه.