[my dream is to fly]

الرحلة دى كانت على مصر للطيران ياكبتن احمد والموضوع مقتبس من رابطة مضيفى ومضيفات الخطوط الجوية المصرية وكان الموضوع بعنوان -حدث على الطائرة - https://rabtacabincrew.com/user/ بس اللى عاوز يستغرب يدخل الموقع و يشوف مطالب المضيفين و المضيفات المصريين والدلع بتاعم الفاضى سبحان الله دة عدم ارتضاء وبلاء لا وكمان حاسين انهم مظلومين وعملين اجتماعات عشان ياخدو مرتبات زى الطيارين طيب شوف الطيار دفع قد اية و اتعلم اقد اية عشان يوصل للى فية لية يعملوا مقارنة ومشاكل اصلا.
لا وكان فيه خبر كمان من قريب ان رابطة مضيفى ومضيفات الخطوط الجوية المصرية تهنى المضبفين اللذين اصبحوا طيارين وكانوا حوالى 8 مضيفين يعنى اهه مصر للطيران مدلعاهم اهه مش عارف لية مضيفين مصر للطيران عاملين قلق علطول وحسين انهم متهضين! مع انى اراهم على الطائرة و الحق انهم فعلا دون المستوى وطبعا انا مش قصدى شىء او حاجة لانى اصلا مصرى بس نفسى يفوقوا لشغلهم وطبعا مش هحكى التفاصيل اللى بشوفها من نماذج الضيافة المصرية المشرفة !!!! ياريت لو اى شخص منهم يكون عضو معنا بالمنتدى ويقرأ الرسالة.
بصراحة حاجة تزعل على عدم شكر الله والكئابة اللى فيهم زايدة واكيد هتزيد لعدم احترامهم لذاتهم اولا لان الضيافة مهنة جميلة وليها اسلوبها ومن احترام الشخص لوظيفتة يحترم نفسة ايضا.