السلام عليكم ورحمة الله وبركاته
بصوا يا جماعة دي اول مرة اشوف فيها الموضوع ده ويمكن لو كنت شوفته قبل النهاردة كان هيبقى تعليقي عليه ان انا الصراحة قبل ما اشترك في المنتدى قعدت اشهرين ادخل كزائرة ومن الاسباب الرئيسية اللي خلتني ادخل المنتدى مواضيع الكابتن احمد وطريقة ردوده اللي حسستني فعلا ان كابتن احمد اخ كبير وبيخاف علينا جداا وبالذات لما هو كان اول واحد نبه ان الطيران السعودي طالب بنات مصريات وكنت تحس منه لما قال للبنات والله انا مش متاكد بس من خوفي عليكم قولت اقولكم تحس فعلا ان اخ كبير
لكن اللي حصل اليوم ان مامتي شافت صورة كابتن احمد قبل كده مرة ولما شافتها اليوم قالتلي شوفي الدنيا صغيرة قد ايه هو ده المضيف اللي حكيتلك عليه انه غير وجهة نظري في المضيفين السعوديين لان ماما كانت طلعت رحلة قبل كده والصراحة كان عليها مضيف مش كويس وكان قليل الزوق جدااا ده غير ان في نسبة كبيرة من المضيفات الا من رحم ربي برضه مش كويسين في التعامل مع المسافرين وعصبيين جدااااا
المهم الرحلة الي ماما شافت فيها الكابتن كانت من المدينة الى جدة وهي لما جائت من الرحلة دي قعدت هي ووالدي يشكروا في مضيف سعودي كان بشوشو جداااا وكان هادي وبيعامل الناس بطريقة مهذبة جداااا وكانت معاهم في الرحلة دي واحد صاحب والدي بس عجوز شوية وماما بتقولي ان الكابتن ساعده جدااا في اكتر من حاجة وكان بيساعد الناس وهو مبتسم وبشوش مش تحس انه بيفتعل الابتسامة ووالله من ساعة لما رجعو من السفارية دي وهما بيحكو عن المضيف ده اللي طلع الكابتن احمد موسى وانا ماكنتش اعرف هههههههههههههههههه
فبجد الف شكر يا كابتن والانسان اكيد مابيتجزءش حضرتك بشوش وصدرك رحب في التعامل مع الناس هنا في المنتدى فمكنش غريب والله لما عرفت اليوم ان المضيف اللي بابا وماما كانوا بيتكلمو عنه يبقى حضرتك
وجزاك الله كل خير يا كابتن احمد
لايؤمن احدكم حتى يحب لأخيه مايحب لنفسه
حديث شريف
وانا بعامل الناس زي ماحب انها تعاملني لأني في يوم من الايام هكون مسافر اكيد واحتاج معاملة حلوة تخلي الرحلة لاتنسى مش رحلة ارجع اسب واشخط في المضيفين ..
وانا بعتبر كبار السن كأنهم انا لما تيجي الايام عليا واكون كبرت وعاوز معاملة حلوة وارتاح بقية حياتي ..
اشكرك اختي هاجر على كلامك الرائع .. وسلميلي على اهلك .
ونشوفكم قريب بإذن الله ..