[ابن محفوظ]

اقتباس:     المشاركة الأصلية كتبت بواسطة Ahmed Mousa  

حياك الله حبيب قلبي ياولد المحفوظ ,, وصدقني نفس الموضوع هنا الاحترام متبادل بيننا كلنا في المنتدى والحمدلله واتشرف اني اكون قدوة وانك تكون زي اخويا ويسعدني والله ويرفع من معنوياتي كثير جدا ..

بالنسبة للشروط مطابقة لك تمااااما والحمدلله من الطول للغة والشهادة واللباقة وحسن المظهر ان شالله ..

نصيحتي لك زي ماقالك اخويا احمد فهد ( المعتز ) بإنك تكمل دراسة الجامعة واذا بدأ التقديم تحذف ترم ووتشوف هل الوظيفة تناسبك ولا لأ ,, اول الوظيفة راتبها حلو ولكن فيها ضغط نفسي رهيب وتحتاج شخص قوي الارادة ويتحمل ضغط العمل من طيران وتعامل مع عقليات وثقافات كثيرة وصدقني الموضع هذا مو سهل زي ماالناس تتصور ,, انا صدمت بهذا الشي لما دخلت الخطوط ولكن المهنة عزيزة على قلبي مررة وكثير من اهلي يقولولي مابتنزل ارضي ؟؟ اقلهم ماقدر اتخلى عن الطيرن والسفر لدرجة لو جلست في البيت الاوف حقي لمدة اسبوع اطفش لا درة العروس ولا الكباين والتحلية ماتسليني زي لما اسافر دايما ,, ولكن خلي بالك الامور هذي ممكن تؤثر عليك في الزواج اذا كانت البنت غيورة
انا بالنسبة ليا الوظيفة كانت تزيدني شوق ارجع بيتي واشتاق لزوجتي ونحل كثير من المشاكل مو زي لما نكون قدام بعض تزيد المشاكل ولكن كل واحد له وضعو الخاص ,, بس خلي بالك المضيف الجديد مايساافر دول اوروبا وامريكا على طول !! بالعكس يقعد فترة طويلة لمدة سنيتن بعض الاحيان رحلات الههند وباكستان واندونيسا ويدوب تجيه وحدة لندن ولا باريس بالحظ وهكذا


بالنسبة للتقديم ياسيدي ان شالله في شوال راح يكون فيه تقديم بإذن الواحد الاحد ,, واذا بدأ راح اعمل اعلان في المنتدى ان شالله للكل وبالشروط الجديدة ..

وان شالله ماكون قصرت معاك بشي ومستني الدفعة التانية ..

الشرف لي يا الغالي انو يكون عندي اخ متلك ملتزم ومحترم والف شكر لك على النصائح الي اعتبرها ما تقدر بتمن نصاحه غالية من شخص اغلى....


وكدة ولله الحمد الشروط انطبقت علي.....

طيب انتا تقلي اسحب ترم من الجامعه واقدم على الخطوط طيب شهادتي الاصلية راح تكون في الجامعه كيف راح اقدر اقدم؟؟؟؟

ويا ريت لو عندك او معلومه او خبر عن تقديم قريب تبلغنا ولو مافي اي تقديم قريب يا ريت تقلي متى تتوقع يبدا التقديم؟؟

وبالنسبة للغة انا الحمدلله لغتي كويسة بس برضو احتاج شويت دراسة فا لو انقبلت راح يدرسوني لغة او بس مواد خاصة بالطيران وبس؟؟؟؟


ومتل ما انتا قلت وظيفة المضيف يكون فيها بعض الضغوطات خصوصا لمن الواحد يقرر يرتبط انا في الفترة الحالية شايل موضوع الزوج من بالي خير شر اقل شى خمس سنوات قدام لكن لو قررت اتزوج واحول لمضيف ارضي ممكن اعرف اش افضل المضيف الجوي او الارضي واش وظيفة الارضي؟؟؟وهل طلب التحويل يتم قبوله على طول او بعد فترة؟؟؟

وهذا والله اخر سؤال

لو متلن قررت اني اقدم استقالتي طبعا بعد ما اتوظف اش الشهادات الي راح يعطوني هي هل بس شهادة خبرة او شهادة دراسة او ايش؟؟؟

عارف اني طولت عليك بس بالله لا تواخدني

اقتباس: وان شالله ماكون قصرت معاك بشي ومستني

وعلى فكرة تراك كفيت ووفيت من اول رد لك


وجزاك الله الف مليون خير