اول حاجة انا مدري كيف اشكرك اخ احمد الصراحه انتا من الناس الي يستحقو الواحد يوقف عشانهم ويرفعلهم القبعه يوحني راسه لهم شكر واحترام وتقدير.....
شوف يا الغالي انا موضوعي طويل ومسبب لي ازمة ما بعدها ازمة حتى النوم معرف انام...
انا يا طويل العمر والسلامة لي اسبوع تقريبا وانا الفلف في المنتدى موضوع موضوع.....عشان ما ابغا اكرر نفس الاسئلة بس اكتشفت محد متل حالتي
انا طالب في جامعة الملك عبدالعزيز من خريجين العام الماضي نسبتي التانوية 92 تانوية تجارية دخلت الجامعه بس للاسف ابدا الوضع مو عاجبني في الجامعه وانا حلم عمري اني اعمل حاجة ارفع بيها راس امي وابوية وشفت بالجامعه ما راح اقدر اسوي شى وانا اصلن من زمان احب الطيارات والمطارات حتى اي شخص مسافر انا اول واحد اودية المطار
وكمان ما ابغا اضيع سنوات عمري على الفاضي في الجامعه
طولي 160 ووزني 60 طولي جدا متناسق مع وزني مظهري حسن لبق جدا جدا جدا في التعامل والكلام وبالنسبة للانقلش انا لغتي الحمدلله متوسطة عام 2006 طلعت على نيوزلندا ودرست انقلش هناك لمدة تلات شهور....
وانا الصراحه متعبر نفسي زي اخوك الصغير وابغاك تنصحني هل اكمل في الجامعه او اسحب واقدم على الخطوط انتا بحكم نطرتك وخبراتك اش رايك
ولو تنصحني اقدم على الخطوط من فين اقدر اقدم ولو حتى الدرساة بفلوس مش مكشكلة مستعد ادفع
وانا اول كان حملي اكون مضيف بس لكن دحين حلمي اكون مضيف وبشرط متلك الصراحه انتا متال يقتدا به وانا عينتك قدوة لي رضيت او ما رضيت
وهاذي الدفعه الاولة من الاسئلة والتانية على حسب اجابتك تتحدد
الف شكر لك وجزك الله عن كل حرف تكتبه مليون حسنة
يعطيك العافية اخوي ابن محفوظ
وطبعا الرد اولا واخيرا من الكابتن احمد موسى
لكن اخوي تسمحلي بنصيحة اخوية
ليش ماتقدم حذف ترم من الجامعة لاتترك الجامعة
احذف ترم بس وروح قدم ضيافة وشوف الوضع
اذا عجبك ومشيت بالضيافة حول دراستك انتساب
واذا ماعجبك الوضع بالضيافة ارجع لدراستك العادية
وننتظر رد الكابتن احمد موسى بعد عودته ان شاء الله