[تأبط خيرا]

حوار بين " مراقب جوي " و طيار "

الطيار : كم راتبك ؟
المراقب : أقل من ربع راتبك بالكثير .
الطيار : معقوله !
المراقب : على الديوان يعني وش تتوقع ؟
الطيار : ( confirm ) على الديوان وإلا على الديون ؟
المراقب : كلها .
الطيار : تصدق جلست مع مراقب جوي في لندن وعرفت إن راتبه أكثر من راتبي بكثير !
المراقب : أيه أصدق , وتصدق إن المراقب الجوي هناك له أهميته وأحترامه أكثر بكثير من الطيار على مستوى الحكومه والمجتمع !
الطيار : وش تقصد ؟
المراقب : يا أخي كل وظيفة لها ميزانها الحقيقي عندهم لأنهم عارفين كل شي ومعطين كل إنسان حجمه الصحيح .
الطيار : يعني أنت أهم وأحسن مني ؟
المراقب : أيه في كل حاجه إلا حاجه وحده وهي خطر المهنة يعني عندكم بدل ( الله يستر) .
الطيار : يا عمي طيييييييييييير .
المراقب : وش رايك ناخذها حبه حبه ونشوف ؟
الطيار : هات نشوف.
المراقب : أنت تسوق أقصد تطير بطياره وحده علشان توصلها من مطار إلى مطار وأنا أوصل في النوبه الوحده عشرين طياره زي اللي معاك !
الطيار : أقول تعرف تسوقها ؟ أقصد الطياره .
المراقب : :f56ar:
الطيار : يعني ما عاد إلا تشبهنا بالنقل الجماعي .
المراقب : إيه بس النقل الجماعي ما يطلب دايركت !
الطيار : يعني لأنك تعطينا أوامر شايف نفسك .علينا وإلا علشان المراقب اللي في لندن ؟
المراقب : لا بس علشان ما تموت يا كبتن .
الطيار : الاعمار بيد الله . وكلوا بأجروا .
المراقب : تصدق حتى الاجر آخذ إنشاء الله زي أجرك وزياده أجر كل الناس في كل الطيارات يعني أكثر منك !
الطيار : بس تحتسب الاجر في كل نوبه أكيد يفوتك هذا الشي !
المراقب : لا إنشاء الله محتسب الاجر . وأنت ؟
الطيار : أكيد مع دعاء السفر في كل رحله .
المراقب : بس السفر قطعه من العذاب .
الطيار : صحيح و من راقب الناس مات هما .
المراقب : إنشاء الله أموت وهمي سلامة البشر .
الطيار : المهم ما تراقب الطيارات وتنسى مراقبة الله .
المراقب : وأنت يا طيار لازم تراقب الله قبل ما تطير روحك .