اشكر جميع الكباتن والمشاركين على تزويدنا بهالمعلومات ..
والله لا يحرمنا من هالثروة من العلم اللي يفرح بها الواحد لكن ..
مع فائق تقديري
ابرد بما يجول بخاطري عليكم بكلمات قالها امي لا يقرأولا يكتب ..
وادعت ناصر من مطار القريـات
يوم اركبتنـا الطايـره واشلعتنـا
لفت ودارت وامرقت بين لحظـات
لولا الكراسـي والمحـازم رمتنـا
طاروا بنا حمر العلابـي خواجـات
صفر العيـون وجيههـم هولتنـا
جانا المضيف قال وش من خدمات
قلـت انزلونـا ابطونـا موجعتنـا
تكفى تشهد يافهـد واقـر الايـات
الموت جانا والظـروف اجبرتنـا
من قبل اشوف الغيم دون السموات
واليوم اشوفه يا فهد مـن تحتنـا
عز الله اني ما حسبتـه حسابـات
والا تـرى سيارتـي موصلتـنـا
يازين ممشى الارض لوهو مسافات
بكـل شعيـب مسوييـن قهوتنـا
وش جابني للطايـرة والمطـارات
والله فلا اعود اركوبها ان حلوتنـا
لو تنفجر قامت تذيـع المحطـات
رح عـاد دور قشنـا مـع جثثنـا
احبكم في الله ...
وبدون زعل .......:iconloli::iconloli: