اخواني معليش ابي اوضح لكم الصوره شوي
الكره الارضيه كرويه وعلشان يتم لتنقل من اوروبا الى امريكا الشماليه مثلا فهو لايتم زي مانشوف في الخريطه العاديه لا...بل انه يكون ونظرا لكرويه الارض بالمرور فوق شمال ايرلندا ثم المرور فوق قرين لاند ثم فوق السواحل الشرقيه الكنديه ومدينه هاليفاكس حتى المدن الامريكيه فنجد ان الرحله الى ميامي الامريكيه اطول و3 ساعات مثلا عن المده التي نحتاجها الى نيويورك لاننا باختصار سوف نضطر للمرور فوق امريكا من الشمال للجنوب عكس مايتخيله البعض من انننا سوف نتجه مباشره من المحيط الاطلسي الى ميامي.
علشان كذا
الرحله من هيثرو بلندن الى مطار جون ف كينيدي تحتاج بالمتوسط 6 ساعات منها قرابه 3 ساعات فوق او (بالقرب) من اليابسه ,الطائره حين اقلعها من لندن لن تتجه باتجاه الغرب زي مايتوقع بعض الناس بل باتجاه الشمال الغربي مرورا فوق ايرلندا وقرين لاند ثم المرور فوق كندا حتى الوصول الى نيويورك.
للمعلوميه هناك مطار مشهور على مستوى كبير لدى شركات الطيران ويعتبر اكبر نقطه ترانزيت للتزود بالوقود بين امريكا واوروبا وهو مطار شانون بايرلندا وللمعلوميه صوره طائرة بوينج 737 التابعه للخطوط السعوديه في توقيع الاخ الراصد الجوي فوق هذي الصوره تم تصويرها بمطار شانون لاحدى الطائرات لجديده في رحله تسليمها للخطوط السعوديه عام 1972 حيث تتوقف الطائرات فيه زيها زي غيرها للتزود بالوقود كما ان طائرات الرئيس الامريكي AF 01 747 لاتستطيع الطيران لمده طويله وتتوقف في هذا المطار للتزود بالوقود وهذي معلومه ربما لايعلمها الكثير ونفس الشي بالنسبه لطائرات الخطوط السعوديه من طراز 747-300 و 747-100 لاتستطيع السفر من السعوديه لامريكا بنفس واحد بل تتوقف في شانون للتزود بالوقود حتى جاءت 747-400 و بوينج 777 وحلت هذا الاشكال.
نقطه ثانيه احد الاخوان ذكر بان ايرباص 320 و319 يوجد بهاخزانات اضافيه, اقول نعم هذا صحيح ولكن مو كل الطراز فيه خزانات اضافيه بل هناك نوع معين فقط ويتم شراؤه بالاسم فمثلا هناك A319 ER وهذي اشترته الخطوط الفرنسيه وتستخدمه مثلا في رحلات باريس-الرياض-باريس حيث ان طائرات ايرباص 319 العاديه لاتستطيع السفر لاكثر من 3ساعات بشكل اقصى وبحموله مخففه ولكن هذا الطراز يحمل خزانات اضافيه ويمكنه السفر لمده7 او ساعات بسهوله,نفس الشيئ ينطبق على طائرات البوينج 737 حيث يوجد طراز خاص برجال الاعمال تسمى 737-700 BBJ
تملك وزاره الماليه السعوديه طائرتين من نفس الطراز شاهوا الصوره:
للمعلوميه هذه الطائره قامت بتسجيل الرقم القياسي لطرازها عام 2002 حيث طارت من سياتل في امريكا الى مدينه جده السعوديه قاطعه مسافه 12693كم دون توقف.
اتمنى تكون مشاركتي مفيده وتقبلوا تحياتي