السلام عليكم ورحمة الله وبركاته
قبل قليل عدت من مطار هيثرو الدولي وصلت احد الاصدقاء للمطار وتوجهنا لكاونترات الخطوط السعودية استقبلونا احلى استقبال بغير عادتهم فاليوم لاحظت وجود مسار خاص بالسعوديين هذا شي حلو بالنسبه للخطوط انها عملتها مو بالصيف كل من هب ودب مع بعض المهم وصلنا عند موظفة الكاونتر واخذت شنطه الرجال وعطته البوردنق وقالت الرحله راح تنزل بالمدينة اول وبعدها تواصل الرحله للرياض وبدون اي سابق انذار
المهم تكلمت مع احد المشرفين وابلغني ان جميع الرحلات في هذا الوقت تحول للمدينة بسبب وجود حجاج على متن طائرات السعودية وان جميع الرحلات من لندن هيثرو المتوجهة للرياض هذه الفتره تنزل في المدينة اول ومن ثم تواصل رحلتها للرياض
وقت اقلاع الرحله من لندن 10.40 صباحاً بتوقيت لندن والوصول للرياض الساعه 10.35 دقيقه مساءً
ملاحظة (( رحلات السعودية يوم الجمعة تكون مباشره طول فتره الحج )) ولاتنزل في المدينة
هذا الخبر ليس منقول وإنما حدث امامي وكلمت المشرف وهذا كان رده علي
(( الغريب في الامر سبق لي ان سافرت على السعودية ولم ارى المشرفين بشوشين واليوم سبحان الله مدري وش حاصلهم مع انهم نفس الاشكال ماتغيرو بس معامله حلوة والوزن الزائد اللي مع خويي مشوه كامل وهو 10 كيلو زائد ))
وتقبلوا تحياتي
اخوكم
عبدالله
اظن انهم كانو بشوشين لأنهم اخذوا مرتباتهم اليوم
ولكن المشكلة فعلا فى هالتأخير الكبير المفروض الرحلة تاخذ من 4 الى 5 ساعات والحين صارت 10 ساعات فعلاً اهمال وعدم الأهتمام براحة المسافر .