[Rona]

سؤال حلو يا هند شكرا ليكى , لأن كل واحد حيدخل ويقول أية الى بيعملة والجميع أكيد حيستفيد
أولا: الأيام دة أنا عمالة أراجع على قواعد اللغة الأنجليزية حتى لو كنت عرفاها
وأهم حاجة بركز عليها ال verbs و ال Tenses و ياريت لو قرأت كتب أو جرايد بلأنجلش علشان أرجع أنشط اللغة تانى عشان حتى لو أحنا كويسين فى اللغة غصب عننا لو مش بنمارسها حننساها زى ما الجميع قال ( ويسلام بقى لو عندك أخ او أخت بيدرسو وتحاولى تعصرى على نفسك لمونة و تزاكريلهم الأنجلش ويبقى خبطتى عصفورين بحجر , وخلى بالك عشان أنا عملت كدة ولاقيت ماما عمالة تقولى يسلام أية الهدى دة دنا من زمان وأنا عمالة أقلك زاكرى لأخوكى ونتى بتتهربى وتقولى مبحبش التدريس أشمعنى بتزاكريلة دلوقتى ومش حتلاقى رد أحسن من كدة

ثانيا : بحاول أتوقع أية الأسئلة اللى ممكن تتسأل وطبعا مش حقدر أتوقع كل الأسئلة وربنا يخلى المنتدى ومواضيع الكابتن أحمد اللى بتساعدنا بجد ومواضيع الأعضاء فى القسم دة ربنا يخليهم , وبحاول مع نفسى أحضر أجابة للسؤال عرف نفسك أو تكلم عن نفسك بلأنجلش , ومعلش عندك فى البيت حيقولو البت أتجننت وبتكلم نفسها ,
وبحاول أتوقع الأسئلة المحرجة الى ممكن يسألوها وأزاى حقدر أرد عليها بصراحة ومن غير أحراج

ثالثا : بصراحة بحاول أظبط وزنى شوية واروح الجيم مع أنهم بيقولولى أنك مش تخينة ولا حاجة بس أنا حاسة أنهم بيكونو عاوزين المضيفة تبقى رفيعة جدا جدا لدرجة أنها تقف جمب عمود النور متبنش منة

رابعا : وبصراحة بردة بحاول الفترة دة بلزات أدى لنفسى الثقة فى نفسى (بنفخ فى نفسى بلعربى) لأن فية كتير قالولى أن أهم حاجة فى المقابلة الشخصية للوظيفة دة بلزات أن يكون عندك ثقة كبيرة فى نفسك وقدرة كبيرة على التحمل وظبط النفس,
وفى كتاب جميل أوى بقرأة اليومين دول ممكن يفيدكو أسمة ( كيف تؤثر على الأخرين وتكتسب الأصدقاء) المؤلف : ديل كارنيجي والكتاب دة مترجم من الانجليزيه
How to Win Friends & Influence people _ DALE CARNEGIE
موجود فى مكتبة جرير ومش عارفة موجود فين فى مصر والله

خامسا : زى ما الجميع قال بحاول أرتب حلبس أية يوم المقابلة , بس هوة لية يا ياسمين مينفعش ألبس بنطلون مع أنى رحت قبل كدة مقابلة بلبنطلون وكان أغلبهم لابس بنطلون دة غير أن الزى الرسمى للخطوط السعودية لابسين بنطلون , ياريت تقوليلى عشان أنا كنت ناوية أروح ببنطلون

وأخيرا بحاول ألاقى أجابة للسؤال الى ممكن يسألوة وهوة لية سبتى وظيفتك السابقة؟
ونصيحة محدش يشتم ولا يزم فى وظيفتة السابقة حتى لو كانو نصابين وحرامية
وأخيرا أتمنى ليا وللجميع التوفيق ويارب يتحقق حلمنا
ونصيحة أخيرة ليا وللجميع يارب خوفنا ميتغلبش علينا ونقدر نظبط نفسنا وندخل عليهم وأحنا عاملين كدة ونخرج وأحنا عاملين كدة
معلش طولت عليكو