[Rona]

ربنا يوفقك ويوفقنى يا هند
بلنسبة ليا أختبار اللغة مش خايفة منة والحمد لله
أما المقابلة الشخصية قلقانة منها شوية ,مع أنى عملت مقابلة قبل كدة فى شركة طيران وكنت فى الأول قلقانة لكن أول ما دخلت الشركة لاقيت نفسى مش فارقة معايا ممكن كان فية شوية رهبة فى الأول لاكن مبتوصلش لدرجة الرعب, يعنى أول ما دخلت ولقيت 3 قاعدين قدامى كنت راهبة الموقف شوية لاكن بعد كدة كنت بتكلم عادى وبرد على أسألتهم وكنت حاسة أن نفسى أقولهم أن لو ما قبلتونيش أنتو الى خاسرانين ,مش غرور والله بس فعلا أنا عندى ثقة أنى ينفع أكون مضيفة ناجحة بأذن الله,ولازم أى حد يروح يعمل أى مقابلة يكون عندة ثقة فى نفسة بلزات مقابلة المضيف الجوى
أما الكشف الطبى فمعنديش أى أمراض ولا شئ يمنع والحمد لله
وربنا يوفقك يا هند لما يتصلو بينا الخطوط السعودية ونروح ونعمل المقابلة وننجح فيها باذن الله