السلام عليكم ورحمة الله وبركاتة ،،
اخوني ارجو منكم مساعدتي في بعض النقاط المهمة واتمنى احصل اجابات واضحة لاني لي فترة ادور في المنتدى على بعض الاجابات من المواضيع الردود لكن تشتت كثير ولاني عارف من وين ابدء اجراءات الدراسة ..
ميزانيتي بحدود 150 الف ريال
المبلغ جميل فقط اذا كانت عندك القدره على النجاح في جميع الرخص وفي نفس الوقت المطلوب لكن للأمانه الافضل انه مايقل عن 250 الف ريال
1- اناعمري 32 سنة ..
هل عمري فاته قطار الطيران والا فيه امل اني ادرس واتخرج واتوظف ؟
الخطوط السعودية غيرت متطلبات العمر ةالحد الاقصى 35 سنة الان ف حاول تجتهد قد ماتقدر عشان توفر الوقت على نفس
2- بالنسبة للغة لغتي من ضعيف الى متوسط لكن قابل لتعلم اللغة الانجليزية بسرعة بحكم حبي لها ومعرفتي ببعض مصطلحاتها ..
كم تكفيني مدة الدورة لكي اقدر التحق بأي اكادمية طيران وماهي الدول الجيده من ناحية التدريس وتكاليفها تكون بسيطة ؟
بالنسبة للغة انا اشوف انك تدخل معهد مثلا وول استريت في الخبر اذا انت من سكان الشرقية وتاخذ معهم كورسات لمدة تترواح من 7 الى 9 اشهر بيكون تقريبا معك بعدها 7 مستوايات
3- بحسب قراءتي للمواضيع في المنتدى ارخص الدول لدراسة الطيران ( الفلبين - جنوب افريقيا ) بس فيه بعض الاخوان هنا مايمدحون الفلبين وجنوب افريقيا لأن بعد التخرج ماتكون لك الاولوية في التوظيف بشركات الخطوط مثل اللي درس في امريكا او كندا ..
بحكم ميزانيتي ماهي افضل دولة لدراسة الطيران ؟
بالنسبة لمدارس واكاديميات الطيران افضلها في ولاية فلوريدا في امريكا ابتعد عن الدول العربية والشرق اسيوية
توجد اكاديميات كثير في فلوريد ومن ضمنها فلايت سيفتي اكاديمي الخطوط تبتعث طلابها عليها لانها جداً ممتازة
الاهم من هذا كله وقبل تنوي على الدراسة وتخسر مبالغ كثير توجه الى مستشفى باقدو والدكتور عرفان في جدة واعمل الكشف الطبي من الدرجة الاولى وشوف انت مؤهل ولالا واذا كنت مؤهل خذ الخطوه الثانية
احجز تجربة طيران في اكاديمية رابغ من جدة وراح تكلفك 2000 ريال وشوف نفسك عندك القدره على الطيران ماعندك أي خوف من الارتفاعات الخ...
القائد غير الراكب في الاحساسين يفرقون عن بعض
في الاخر اتمنى لك التوفيق واتمنى اني افدتك .
تحياتي