[ساروونه]

السلام عليكم ورحمة الله وبركاته
أتمنى منكم قراءة موضوعي بالكامل. لأني احتاج منكم رد ضروري.
بداية انا عمري 30 سنه. من صغري وانا أركب الطياره عادي.
ولكن قبل 11 سنه كنت راجعه من جده الى الدمام وفي الثلث الاخير من الرحله جتني دوخه ودوار مع خفقان وضيق نفس. كذا فجأه بدون مقدمات. وبس نزلنا للمطار حلفت اني ما أركب طياره. وفعلا ماركبت لين قبل سنتين لما تزوجت. وزوجي كان يعرف بهذا الشي. وقالي نروح للامارات ونشوف كيف ردة فعلك. وفعلا ركبت الطياره ولما قربنا من الامارات لفت الطياره بالجو وحسيت ضغط كبير في راسي كنه بغى ينفجر.
وفي الرجعه من الامارات كنت متوتره وعلى اعصابي ولما ركبت الطياره وبدا لحظة الاقلاع حسيت قلبي بيطلع من جسمي.
ولكن الحمد لله عدت على خير.
رحت ل دكتور وشرحت له الحاله وقالي هذي فوبيا من موقف صار لك. ولازم تاخذين حبوب مهدئه لين تتعودين.
ما أخفيكم انا عندي مشاكل بالرقبه و قبل سنه ونص جتني حاله دوار مستمر لعدة اشهر. وقالي الدكتور هذي من اسباب الرقبه لانه بتضغط عالشريان اللي بيوصل الدم للمخ. وتحسي بالدوخه او الدوار.
الآن زوجي حجز لنا على المانيا سياحه. وقالي لازم تسافرين معاي. وانتي مافيك الا العافيه. وانا خايفه وعلى اعصابي.
استفساري هو انه هل مشكلة الرقبه وضغط الشريان ممكن تكون خطيره لو سافرت وركبت الطياره؟ الشي الثاني هل الخفقان الخفيف خطير؟ ولو ابي اكشف على نفسي اروح لاي طبيب؟ اعصاب او قلب او ايش؟ وهل في حبوب ممتازه للاسترخاء والراحه؟ معليش انا اسفه لو طولت عليكم. بس زوجي مو مقتنع اني مابي اركب طياره. وانا فعلا ودي اركب واسافر. بس اخاف من نقص الاكسجين والضغط بالطياره.
احتاج نصايحكم وخبرتكم. وشكرا