السلام عليكم اخواني ، معكم عبدالله الدوسري عمري 19 واعشق الطيران من يوم كنت بالمتوسط ، ويوم خلص ثناوية طلعت لامريكا ادرس لغة ولازلت ادرس لغة وانتظر البعثة ، لكن ماعلينا ، انا ودي ادرس طيران ، ابيكم تفيدوني ، وش اسوي وش ما اسوي ، وكيف ادخل طيران ، وهل اقدر ادخل او لا ، طبعا طيران مدني ، ارجوكم ساعدوني ، هل تفضلون ادرس برا وبعدين اسوق طيارة بالسعودية ، او ادرس بالسعودية والا كيف الاوظاع ، اسف طولتم عليكم بكثرة الاسالة لكن والله ماعرف شي ، فابيكم تعلموني بكل شي ولاهنتم ويعطيكم العافية ، وطبعا انا ادرس لغة في واشنطن العاصمة ، وهل هناك فيه معاهد طيران او لا ، وهل اقدر ادرسها اذا جاتني البعثة او ممنوع ، او ادرسها بحسابي ، او كيف علموني بكل شي وانصحوني بكل شي وهذا اول يومي معكم واعجبني المنتدي ، وبالتوفيق لي ولكم ، انتظر ردودكم لاهنتم ،.
شوف يا كابتن عبدالله. بما انك سعودي فطيران السعودية يطلب رخصة FAA يعني راح تكمل دراستك في امريكا. اول شي انصحك تسويه انك تسوي الاختبار الطبي عشان تتأكد انك لائق طبيا ومؤهل للطيران او لا. طبعا الاختبار الطبي سهل وماعليه خوف بس سوه قبل كل شي للاحتياط لا اكثر. بعد ماتاخذ الاختبار الطبي وتتأكد انك لائق طبيا ولغتك متوسطة فأنا انصحك انك تبدي تدخل دورات لغة حق ال ICAO لان معظم الاكاديميات مايطلبون الايلتس او التوفل بس يطلبون ايكاو ٤. المهم بعد ماتجيب الايكاو ٤ دور لك على اكاديمية تعطيك الرخص وفي مواضيع كثيييرة للأكاديميات. طبعا الاكاديمية لازم تشوف سعرها و جودتها ولاتخلي السعر هو العامل الوحيد لتحديد الاكاديمية ودامك في امريكا فالأفضل انك تزور الاكاديمية. وبما انك طالب لغة حاليا وفيزتك F-1 فحاول انك بس تحول الفيزا الى الاكاديمية يعني مايحتاج انك تبدل الفيزا. بس في اكاديميات يشترطون فيزا ال m1 ومايقبلون بغيرها. في هالحالة بتضطر ترجع السعودية تطلع لك فيزا جديدة.
بعد ماتطلع الفيزا خلاص ابدأ مشوارك وجد على نفسك. تاكد انك كملت متطلبات الخطوط السعودية وخااصة عدد ساعات الطيران. وبعدها نقوول مبررووووك يا كابتن
ملاحظة: قريت بعض المواضيع ان الخطوط السعودية تطلب التوفل. ما اعرف عن صحة الخبر بس الافضل تتأكد منه. اذا تطلب التوفل فكمل اللغة وجيب الدرجة وبعدها ادرس للايكاو وفي الاحرى اذا جبت درجة ممتازة في التوفل ما اعتقد انك راح تحتاج كورسات للايكاو.
اسف على الاطالة
