صباح الخير شباب
دي اضافة للتيم سبيك حتخليك تلغي اصوات التنبيهات حقت وقت احد يدخل الشانل ويطلع وكدا وتكون مطمن وعارف مين دخل ومين خرج بدون صوت ولا ازعاج وتريحك كمان ازا جالس تكلم الطيار ما توقف كلامك وترجع تعيدو وصراحة تفك ازمة وقت يكون في ترافيك كتير والاضافة كلها على بعضها
(حجمها 129KB) :f57ar:
في البداية رابط التحميل:
TSInfo109
طيب طريقة التثبيت جداً سهلة وما تآخذ منك وقت بس اتبع دي الخطوات وحيزبط معاك ان شاء الله
1- فتح البرنامج: تفتح ملف الونرار حق البرنامج وتفتح البرنامج
2- اعداد البرنامج: شيء اسهل من السهل
3- تشغيل البرنامج: بضغطة زر :iconloli:
4- البرنامج شغال: زي ما نلاحظ الكتابة باللون الأحمر اسم القناة والي باللون الأخضر اسم الشخص المتحدث
5- ايقونة البرنامج على شريط المهام: ازا كان اللون في الأيقونة أخضر يعني البرنامج شغال ولله الحمد ولو أحمر في مشكلة في الاعداد عندك
6- قائمة البرنامج في شريط المهام: لو تضغط كليك يمين على ايقونة البرنامج في شريط المهام حيطلع لك دي القائمة واول خيار في يعطل عمل البرنامج والي قبل الأخير يقفل القائمة والأخير يقفل البرنامج ودي التلاته حجات الي تهمنا
ملاحظة: لازم تقفل اصوات تنبيهات التيم سبيك من اعدادات التيم نفسها
وبكدا نكون خلصنا من الشرح وسامحوني طولت عليكم وكمان معليش على جودة الصور مش ولا بد عشان اخذتها على السريع بس. اتمنى تعجبكم الإضافة وتستفيدوا منها واي مساعدة انا موجود وعلى اتم استعداد
تحياتي..
محمد.
أتمنى من اخوي الكابتن الحالم يثبت الموضوع للفائدة العامة وشباب لا تنسوا الرد والتقييم