[الكابتن القطري]

بصراحة هذا الموضوع مهم جداً و في وقته وكنت حاب أتكلم عنه
و أنا طبعاً رجعت من إجازة العيد
سواء في رحلة الذهاب أو العودة
تفاجئت بمستوى بعض الركاب الهمجي و المتخلف
ولا أخفي عنكم في رحلة الذهاب كانت الظهر والطائرة على أرض المطار القطرية
وفعلاً تحس بـ أجواء المقصورة حااااره من قلب
مع وجود التكييف لكن بصوره ضعيفه نتيجه توقف المحركات والطائرة في
وضعيه could and dark
طبعاً القريب من عالم الطيران ككل يعرف ويعي تماماً هذا الوضع
لكن تعال للناس الي ما تدري !!
تلقاه نفس ما شفت قدام عيني
يقول للمضيفة ليش الخدمة سيئة المفروض في مكيف !!!
والثاني يعاند الطاقم أثناء البوش باك مسكر الدريشه إلا تتم مغلقه أو يشتغل التكييف
لأن حر و ما يبي الشمس تدخل ، زين و سلامتك هذه أحد قوانين الطيران إنك تفتح النافذة أثناء الإقلاع !!
أنا صراحة أرفع قبعه الإحترام لطاقم الضيافة على إبتسامتهم و سعه صدورهم
لأنهم يعرفون إن في ناس يجهلون الآشياء هذه
وما حصل في الخطوط السعودية
هو بالضبط ما يحصل في جميع شركات الطيران
والطريف إن الناس هذه عقب ما تقلع الطيارة تلقاهم هم نفسهم سبحان الله
يسكرون فتحات التكييف
وينادي المضيفه يقولها يبي شي يتغطى فيه
فـ الي حصل هذا في الخطوط السعودية مع هذا الراكب شي ينرفز صح
لكن طبيعي بالنسبة للطاقم
وهذا زودها فتم طرده من الطائرة
وهو قرار صائب من الكابتن