السلام عليكم ورحمة الله وبركاته
إسمي إسلام السيد
طالب بالصف الثالث الثانوي وهأنتهي منها بعد شهر بإذن الله
لغتي الإنجليزية جيدة جدا وأنوي تقويتها في الصيف
طولي 186 ووزني 100
مصري الجنسية
ــــــــــــــــــــــــــــــــــــــــــــ
عرفت ان الطيران المصري العمل فيه لازم يكون بواسطة
وأنا بصراحة في مشاكل كثيرة مع أهلي هذه الأيام بسبب موضوع اني اريد دخول كلية الطيران
وفي الآخر إقتربوا من الموافقة أو وافقوا تقريباً
الكلية الأخرى المتاحة لي واللي المفروض أدخلها هي الصيدلة
لكن أنا حلمي من وأنا عندي خمس سنين إني أكون طيار
مصاريف الدراسة في أي مكان غير إمبري ريدل وأكسفورد مش سهلة لكن موجوده
عاشق للطيران وعارف معلومات كتير جدا عنه من قبل ما أدخله
ـــــــــــــــــــــــــــــــــــــــــــ
السؤال هنا
أنا خايف أدخل كلية طيران ومتوظفش
وساعتها الكل هيشمت فيا اني ضيعت تقريباً أكتر من نص ميراثي أو ثلاث أرباعه عالفاضي
فهل تفضلو اني أدخل الطيران ؟
ولو ربنا وفقني ودخلت الطيران أدخل أنهي جامعة او مدرسة ؟
وهل في كليات تدرس علوم الطيران بأسعار أقل من امبري ريدل وأكسفورد ؟
وهل التوظيف سهل في مصر وللا فعلا محتاج واسطة ؟
ولو مش معايا واسطة أعمل ايه ؟
ــــــــــــــــــــــــــــــــــــــــ
أرجو الرد لان نفسيتي تعبت فعلا من الموضوع ده :(
شكراً