[يا رب عايز ابقى طيار]

فكر مصر للطيران لبيع ال777 أو ال340 هوا من مدة من قبل الثورة .. كنا فى وزارة الطيران و فى مقابلة مع مستشار الوزير السابق سمير امبابى .. و كنا عارفين من زمان ان ال340 هتتباع ... و لما سئلنا تحت فى الهناجر بعض المهندسين الكبار الاسباب الرئيسية الى خلت ال340 تتباع انه على حد قوله .. دى طياره تعبانة بتطلع رحلة و ترجع نفضل نصلح فيها شهرين D:
و كمان ان قطع غيار ال340 بتاخد مكان كبير جدا فى المخازن و المكان ده فى طيارات ليها الاولوية زى ال737-800 او ال320 او ال777 او ال321 و فى خطت مصر للطيران القادمة شراء الطائرة الجديدة الA350 بعون الله
و بخصوص ال777-200 الطيارة قديمة و زايدة عن حاجتنا زائد ان ده كمان ناتج عن الخسائر الرهيبة الى بتتعرض ليها مصر للطيران كل أسبوع خسائر كبيرة جدا ... مصر للطيران و مصر كلها على الحافة خلاص .. و ده ميبعدش الحزن عن قلبى عشان دى بلدى و الى شايفه بيحصل فيها و فى مجال الطيران من خسائر مهولة و أرتفاع سعر الدراسة فى مصر بعد أرتفاع سعر الدولار من 420 الف جنيه فى العام ما قبل الماضى ل532 الف جنيه فى العام الحالى الى انا كنت مطالب بدفعهم قبل ما أسيب الاكاديمية بعد اكمالى لرخصة البرايفت ... ف طبعا بيع الطائرات دى حاجة كويسة بالنسبة لينا و ربنا يستر على مصر و يقدم ما فيه الخير احنا شوية و مش هنلاقى وقود للطائرات أصلا ولا هنلاقى مرتبات للطيارين و أطقم الضيافة و العمال فى مصر كلها ربنا يستر و دعواتكم لمصر