[بو سعود a]

يعطيك العافيه اخوي على المقارنه وانا معك في اللي قلته لاني جربت القطريه الصيف الماضي وماشفت فيها شي يستدعي انك تقيمها على قولتهم 5 نجوم وبذكر عدة نقاط باختصار عن رحلتي واللي شفته عن القطريه
رحلتي كانت من الدمام الى ميلانو عن طريق الدوحه ترانزيت ساعه ونص تقريباً
الدوحه ميلانو كانت ايرباص 320 مع تأخير نص ساعه في مطار الدمام وتأخير نص ساعه في الاجواء بسبب ازدحام مطار الدوحه واجرائات تنزيل الركاب ونقلهم بالباص الى الصاله 20 دقيقه والنتيجه هي ان رحلة الدوحه ميلانو اقلعت وانا لسه ما وصلت البوابه ولقيت مئات الركاب حالهم مثل حالي فاتتهم رحلاتهم بسبب تأخر وصولهم للدوحه .
القطريه قالت بتعوضني عن الرحله اللي فاتتني بمقعد على الرحله القادمه بعد 15 ساعه وهذا اقرار ضمني بخطأهم وطالبتهم بتسكيني في فندق او عمل اب قريد لدرجة الرحله اللي كانت على الدرجه السياحيه وقالوا لا فندق ولا اب قريد واحمد ربك بنطلعك على الرحله الجايه.
رحلة الدوحه ميلانو البديله كانت الظهر والطائره ايرباص 320 وكانت الطياره فاضيه والمقاعد كويسه والترفيه كويس والوجبات عاديه جداً والطاقم تعامله حلو بس مايتكلمون عربي.
رحلة ميلانو الدوحه كانت على ايرباص 330-200 بتأخير ساعه في مطار ميلانو والطياره من داخل ماشالوا مخلفات الركاب اللي قبلي والمقاعد ضيقه والوجبات عاديه والترفيه حليو
رحلة الدوحه الدمام كانت على بوينغ 777-300 والشهاده لله المقاعد مريحه جداً ولاكن تأخير في الرحله مدة ساعتين بسبب انتظار بعض الركاب وانا يوم تفوتني رحلة الدوحه ميلانو ما انتظروني ولا 5 دقايق

الخلاصه ان القطريه في نظري ماتستاهل هالتصنيف والموضوع كله دعايه في دعايه لا التزام في مواعيد الرحلات والطاقم تابع لشركه عربيه ولا يتكلمون عربي والوجبات عاديه ومطار الدوحه الحالي بنيته التحتيه سيئه جداً مايستوعب توسع القطريه في عدد الرحلات والخدمات التعويضيه للركاب نتيجة اخطاء الناقله نفسها سيئه مقاعد البزنس كلاس عاديه مافيها ميزه عن معظم الشركات

بعد كل هذا انا اقول في نفسي 5 نجوم على ايش !!!!
قناعتي الان ان القطريه ناقله عاديه جداً مافيها ميزه عن بقية الشركات