[Saif Qahtan]

السلام عليكم

اعتذر لعدم تواجدي الفترة الماضية لظروف السفر

البارح كانت عندي رحلة على الإماراتية على ال777 وكانت المفاجاه الحلوه ان الطائرة مزودة بالشاشات الجديده ذات ال 12.1 بوصة

اكثر شي اعجبني فيها استجابة اللمس جدا عالية مشابهة بشكل كبير جدا لشاشة الآيباد بالاضافة الى الريموت المزود بشاشة لمس صغيرة تقدر منها تتحكم بالعرض في الشاشتين بحيث اقدر اتابع فيلم على الشاشة الكبيرة وبنفس الوقت اقدر اشوف الكاميرا الخارجية في الشاشة الصغيرة

العيوب بسيطة منها التعليق الطفيف في النظام وغير كذا الجرافيك يبي له تحسين شوي عشان يتناسب مع الحجم والدقة للشاشة
ماكان فيه افلام بصيغة HD للتجربة لكن اتوقع الصورة راح تكون فوق الخيال

للمعلومية الشاشة من تصنيع شركة باناسونيك

أترككم مع بعض الصور من مقعدي واعتذر لقلة وضوحها






لاحظو اني جالس اتابع فلم والشاشة الصغيرة فيها الكاميرا الخارجية

هذي شاشة درجة البزنس وحجمها 21 بوصة
الدرجة الأولى على ما اعتقد 27 لكن مافدرت اصورها للأسف


في الأخير أتمنى ان يكون الموضوع نال اعجابكم والقاكم في مواضيع قادمة انشالله



تحياتي